نازاربايەۆ اۋلەتىنىڭ ەكس-قۇداسى قايرات بورانبايەۆتىڭ ەلدەگى جانە الىس-جاقىن شەتەلدەگى بايلىعى ەل اۋزىندا. بۇل جولى ونىڭ رەسەيدەگى اكتيۆتەرى ءسوز بولادى، - دەپ حابارلايدى Dalanews.kz.
مالىمەتتەرىنە سۇيەنسەك،نۇرسۇلتان نازاربايەۆ وتباسىنىڭ تاعى ءبىر مۇشەسى قايرات بورانبايەۆ ماسكەۋدەگى بيزنەسىن بەلسەندى دامىتىپ جاتىر.
"اڭگىمە رەسەي فەدەراسياسىنداعى ەڭ قىمبات جىلجىمايتىن مۇلىك سانالاتىن، ماسكەۋ قالاسىنداعى "فەدەراسيا" شىعىس مۇناراسىنداعى نىسان تۋرالى بولىپ وتىر. وعان داريعا نازاربايەۆانىڭ بۇرىنعى قۇداسىنىڭ كومپانياسى يەلىك ەتەدى.
بورانبايەۆتىڭ "ا-اكتيۆ" جشق بالانسىندا 37-قاباتتا ورنالاسقان، اۋدانى 2354 شارشى مەتر كەڭسە بولمەلەرى بار. نىساننىڭ كاداسترلىق قۇنى - 450 ميلليون رۋبل. بىلتىر جىل سوڭىندا عيماراتتاعى قاباتتىڭ كەم دەگەندە جارتىسىن Work Nation كوۆوركينگىنە اينالدىرۋ تۋرالى شەشىم قابىلداندى، ونى سول "ا-اكتيۆ" جشق باسقارادى. رەسەي فەدەراسياسىندا كومپانيا ءتىپتى ءتيىستى ساۋدا بەلگىسىن دە تىركەدى.
بورانبايەۆ وسى عيماراتتاعى 92-قاباتتا ورنالاسقان اۋدانى 482 شارشى مەتر پاتەرلەرگە يە. مۇنى ساتىپ الۋ كاسىپكەرگە كەم دەگەندە 2 ميلليارد رۋبلگە تۇسكەن. بۇل مۇلىك ءالى كۇنگە دەيىن ونىڭ "ا-اكتيۆ" كومپانياسىندا تىركەلگەن، ءبىراق رەسەي مەن ۋكراينا سوعىسى باستالعاننان كەيىن ونىڭ قۇنى ايتارلىقتاي تومەندەدى.
"ا-اكتيۆ" بالانسىندا "فەدەراسيا" مۇناراسىنىڭ استىنداعى جەكە پاركينگتە 13 كولىككە ارنالعان ورىن جانە بەس كولىك بار: ەكى Mercedes GLS 450 4MATIC 2019 جانە 2020، ءبىر Mercedes S 560 4MATIC Maybach، ونىڭ ورتاشا نارىقتىق قۇنى - 10 ميلليون رۋبل. سونداي-اق، 2021 جىلعى Toyota Camry جانە قۇنى 6 ميلليون رۋبل بولاتىن Volkswagen Tiguan بار"، - دەپ جازىلعان ارنا مالىمەتىندە.
سونىمەن قاتار، ارنا اقپاراتىندا قايرات بورانبايەۆتىڭ يەلىگىندە رەسەي مەن قازاقستانداعى McDonald's فرانشيزاسىنا قىزمەت كورسەتكەن "ازىق-تۇلىك كاسىپورىندارىنىڭ وڭىرلىك جەلىسى" جشق دا بارى ايتىلادى. بۇل كومپانيانىڭ جارعىلىق كاپيتالى 6 ملرد رۋبل نەمەسە 30 ملرد تەڭگەگە جۋىق ەكەن. ال بورانبايەۆتىڭ تاعى ءبىر كومپانياسى، ياعني "كونسالتينگگاز" جشق قالا ماڭىنداعى ەليتالىق جىلجىمايتىن مۇلىكتى باسقارۋ ءۇشىن اشىلىپتى.
قايرات بورانبايەۆ بۇعان دەيىن ەلدەگى، Esentai Tower-دەگى قىمبات ءۇيىن دە داۋلاعان ەدى. بۇل تۋرالى prokadrykz ارناسى مەن Press Kz باسىلىمى جازدى.
ارنا مالىمەتىنشە، باي كاسىپكەر قايرات بورانبايەۆتىڭ سوت ورىنداۋشىسىنا قارسى بەرگەن تالاپ-ارىزىنىڭ مازمۇنى بەلگىلى بولعان.
"ول ءوزىنىڭ ۇلەسىن، سونداي-اق، تاركىلەنگەن جىلجىمايتىن مۇلىكتەگى جۇبايىنىڭ ۇلەسىن انىقتاۋدى سۇراعان.
اڭگىمە الماتىداعى ءال-فارابي، 77/7،1 مەكەنجايىندا ورنالاسقان، قۇنى 686 ميلليون تەڭگە بولاتىن كوممەرسيالىق ءۇي-جاي تۋرالى بولىپ وتىر.
2GIS مالىمەتتەرى بويىنشا بۇل اۋماق Esentai Tower بيزنەس ورتالىعىندا ورنالاسقان"، - دەپ جازىلعان ارنا مالىمەتىندە.
Press Kz مالىمەتىنشە، بورانبايەۆ بۇل مۇلىكتى ءوزىنىڭ جانە جۇبايى شولپان بورانبايەۆانىڭ ۇلەسى تەڭ دەپ تانىلۋعا ءتيىس بىرلەسكەن پايدا دەپ سانايدى ەكەن. الايدا سوت تاركىلەنگەن ءۇي-جاي قىلمىستىق اقشاعا ساتىپ الىنعانىن كورسەتكەن. دەمەك، ونى نەكە كەزىندە ەرلى-زايىپتى تاپقان مۇلىك رەتىندە قاراستىرۋعا بولمايدى.
ايتا كەتەيىك، بىلتىر 6 قاراشادا قايرات بورانبايەۆ بوستاندىققا شىقتى. ال وعان دەيىن ناۋرىزدا ول 8 جىلعا سوتتالدى. قىركۇيەكتە جازا مەرزىمى 6 جىلعا دەيىن قىسقاردى.
سونىمەن قاتار، "باي قۇدا" استانانىڭ ورتالىعىنداعى 4 جۇلدىزدى ءقوناقۇيدى، باسقا دا ءبىراز مۇلىكتى مەملەكەت مەنشىگىنە تاپسىردى. ال اۋماعى بەس مىڭ شارشى مەتردەن اساتىن ءقوناقۇي كەشەنىنىڭ جىلدىق اينالىمى شامامەن 900 ميلليون تەڭگەدەن اسادى ەكەن.
