Qazaqstanda aýmaqtyq qorǵanys jónindegi zańǵa engizilip jatqan ózgerister — kezdeisoq qadam emes. Bul — qazirgi halyqaralyq jaǵdai eskerilip, aldyn ala qabyldanyp otyrǵan sanaly ári saqtyq sharasy. Bul týraly Qorǵanys ministriniń birinshi orynbasary Sultan Qamaletdinov málimdedi, dep habarlaidy Dalanews.kz.
Onyń aitýynsha, mundai mańyzdy sheshimderdi keiinge qaldyrý — qatelik bolar edi.
“Bul zańdy on jyldan keiin qabyldaǵanymyzdy qalar ma edińizder? Álde keshe qabyldaýymyz kerek pe edi? Keshegi kún ótti, al on jyldan keiin ne bolaryn eshkim bilmeidi — ol kezde múldem basqa jaǵdai qalyptasýy múmkin”, — dedi Qamaletdinov.
Onyń sózinshe, qorǵanys saiasatynyń damý baǵyty jahandyq jáne óńirlik geosaiasi jaǵdaidyń tereń saraptamasyna negizdelip otyr.
“Bolashaqty boljaý qiyn. Barlyq nysandy Qarýly kúshterdiń kúzetine qoiý múmkin emes. Eger azamat: “Men úiimdi, naýbaihanamdy qorǵaimyn” dese — bul quptarlyq áreket. Biz nege buǵan tosqaýyl qoiýymyz kerek?” — dep túsindirdi Qorǵanys ministrligi ókili.
Aita keteiik, búgin Senat eki oqylymda aýmaqtyq qorǵanys máselelerine qatysty zańǵa ózgerister engizýdi maquldady.
