Bul – elimizdegi eń úzdik kórsetkish. Bul týraly Nur-Sultan qalasynda Prezident janyndaǵy Ortalyq kommýnikatsiialar qyzmetinde Almaty oblysynyń əkimi Amandyq Batalovtyń qatysýymen ótken brifingide aityldy.
Óz kezeginde oblys ákimi tabiǵi gazdyń jetkizilýi Almaty oblysy halqynyń ómir súrýin jańa sapaly deńgeige kótergenin atap ótti.
Onyń aitýynsha, qazirgi ýaqytta 12 aýdan men úsh qalada úilerdi gazben jabdyqtaý jelisine qosý jumystary qarqyndy júrýde.
Biylǵy jyly biýdjetten 6,6 mlrd. teńge bólinip,32 mlrd teńge investitsiia tartylǵan, iaǵni 1 teńge biýdjet qarjysyna 4 teńge jekemenshik qarjydan keledi.
Jyl sońyna qarai 800 myń halqy bar 144 eldi meken gazdandyrylady, gazdandyrý deńgeii 30,4 protsentti quraidy.
Sondai-aq, 2020-2022 jyldary «Taldyqorǵan – Úsharal» jáne «Shelek – Kegen» magistraldy gaz qubyrlaryn salý josparlanýda, sonyń arqasynda taǵy 93 eldi mekendi gazben qamtýǵa múmkindik týady.
