Jer reformasy jónindegi Úkimettiń komissiiasynyń Siz basqaratyn Quqyqtyq toby búgin Astanadaǵy basqosýynda «Qazaqstan azamattaryna jerdi jalǵa 49 jylǵa deiin berýge bolady» – degen birinshi printsipialdi sheshimin qabyldapty. Óte qýanyshty jańalyq! Quttyqtaimyn!!!
Bul sheshim aldaǵy jerde Parlamentte de talqylanyp, «Jer kodeksine» de enedi degen senimdemin.
Osyǵan bailanysty Sizden myna máseleni de qaperge alýyńyzdy suraimyn.
Kóshi-qon – Ult Kóshbasshysy, Qazaqstan Respýblikasynyń Tuńǵysh Prezidenti Nursultan Nazarbaevtyń táýelsizdikti ala salyp, nebári on bes-aq kúnnen keiin jolǵa qoiǵan TUŃǴYSh hám ULY saiasaty! Nursultan Ábishulynyń kemeńger tulǵa ekenin tórtkúl dúniege birden tanytqan – alysta júrgen aǵaiyndy Atajurtqa shaqyrý týraly shyǵarǵan osy batyl ári tárihi sheshimi! 2015 jylǵy 13 jeltoqsanda aǵymdaǵy jyldy qorytyndylap, jýrnalisterge bergen suhbatynda jýrnalisterge da N.Nazarbaev: «Men adamdardyń kóbirek kelgenin qalaimyn. Qazir jaǵdai qiyndaý bolǵanymen, degenmen de kómektesip jatyrmyz. Sondyqtan bul baǵyttaǵy saiasat ózgermeidi», - dedi.
Demek, Kóshi-qon saiasaty ózgermeidi. Qazir beiresmi derekterge qaraǵanda shette bes million qandasymyz bar. Múmkin odan da kóp bolý kerek. Aldaǵy jyldarda olar Qazaqstanǵa toqtaýsyz kóship kelip otyrady.
Sol úshin, Respýblika boiynsha aýylsharýashylyǵy maqsatyndaǵy Jer telimderiniń 10 paiyzyn, al Oralmandardy qonystandyrý úshin Úkimet aiqyndaǵan óńirlerdegi Jer telimderiniń 15 paiyzyn shetten keletin qandastarymyzdyń úlesine Qorǵa qaldyrýdy Jer kodeksine endirip, zańdastyrý kerek dep esepteimin!
Eger, Jer 49 jylǵa jeke menshikke berilip ketse, kelgen qandastarymyzǵa Jer tappai qinalyp qalatyny sózsiz!
Qosymsha dáiek úshin:
1
QAZAQSTAN RESPÝBLIKASYNYŃ JER KODEKSI
Qazaqstan Respýblikasynyń 2003 jylǵy 20 maýsymdaǵy N 442 Kodeksi
46-bap. Oralmandarǵa jer ýchaskelerin berý
- Oralmandarǵa ózindik qosalqy sharýashylyq júrgizý, baǵbandyq jáne saiajai qurylysy úshin jer ýchaskelerin berý aýyldyq eldi mekenderdiń jerinen, aýyl sharýashylyǵy maqsatyndaǵy jerden, immigratsiialyq jer qorynyń, arnaiy jer qorynyń jerinen jáne bosalqy jerden ýaqytsha óteýsiz jer paidalaný quqyǵymen júzege asyrylady.
- Oralmandarǵa sharýa nemese fermer qojalyǵyn jáne taýarly aýyl sharýashylyǵy óndirisin júrgizý úshin jer ýchaskelerin berý aýyl sharýashylyǵy maqsatyndaǵy jerden, arnaiy jer qorynyń, immigratsiialyq jer qorynyń jerinen jáne bosalqy jerden ýaqytsha jer paidalaný quqyǵymen júzege asyrylady.
- Berilgen jer ýchaskeleri Qazaqstan Respýblikasynyń azamattyǵyn alǵannan keiin osy Kodekste belgilengen tártippen jáne jaǵdailarda olardyń jeke menshigine ótedi.
- Oralmandarǵa beriletin jer ýchaskelerine osy Kodekstiń 48-babynyń normalary qoldanylmaidy.
Eskertý. 46-bapqa ózgeris engizildi - QR 2011.03.24 N 420-IV (alǵashqy resmi jariialanǵanynan keiin kúntizbelik on kún ótken soń qoldanysqa engiziledi) Zańymen.
http://adilet.zan.kz/kaz/docs/K030000442_
2
HALYQTYŃ KÓShI-QONY TÝRALY
Qazaqstan Respýblikasynyń 2011 jylǵy 22 shildedegi № 477-IV Zańy
23-bap. Oralmandarǵa, etnikalyq qazaqtarǵa jáne olardyń otbasy múshelerine usynylatyn memlekettik qoldaý sharalary
...
- Oralmandarǵa jeke qosalqy sharýashylyǵyn júrgizý, baǵbandyqpen ainalysý, saiajai qurylysy úshin Qazaqstan Respýblikasynyń jer zańnamasyna sáikes aýyldyq eldi mekenderdiń jerlerinen, aýyl sharýashylyǵy maqsatyndaǵy jerlerden, immigratsiialyq jer qorynan, arnaiy jer qorynan jáne bosalqy jerlerden ýaqytsha óteýsiz jer paidalaný quqyǵymen jer ýchaskeleri beriledi.
Oralmandarǵa sharýa nemese fermer qojalyǵyn jáne taýarly aýyl sharýashylyǵy óndirisin júrgizý úshin aýyl sharýashylyǵy maqsatyndaǵy jerlerden, arnaiy jer qorynan, immigratsiialyq jer qorynan jáne bosalqy jerden ýaqytsha jer paidalaný quqyǵymen jer ýchaskeleri beriledi.
http://adilet.zan.kz/kaz/docs/Z1100000477
3
ORALMANDAR MEN QONYS AÝDARÝShYLARDY QONYSTANDYRÝ ÚShIN ÓŃIRLERDI AIQYNDAÝ TÝRALY
Qazaqstan Respýblikasy Úkimetiniń 2016 jylǵy 18 aqpandaǵy № 83 qaýlysy
Qazaqstan Respýblikasy Úkimetiniń 2016 jylǵy 18 aqpandaǵy № 83 qaýlysyna 1-qosymsha
Oralmandardy qonystandyrý úshin óńirler
- Aqmola oblysy.
- Atyraý oblysy.
- Shyǵys Qazaqstan oblysy.
- Batys Qazaqstan oblysy.
- Qostanai oblysy.
- Pavlodar oblysy.
- Soltústik Qazaqstan oblysy.
Qurmetpen,
Aýyt Muqibek
24.06.2016 Astana
