«Serpin» jobasy boiynsha eki jyldyq jumyspen óteý merzimin aiaqtaǵan jas mamandar (densaýlyq saqtaý, bilim berý, áleýmettik qamsyzdandyrý, mádeniet, sport jáne agroónerkásiptik keshen salasynda, aýyldar, kentter, aýyldyq okrýgter ákimderi apparattarynyń memlekettik qyzmetshilerine) «Diplommen – aýylǵa» baǵdarlamasy sheńberinde áleýmettik kómek ala alady. Onda 100 AEK mólsherinde birjolǵy kóterme járdemaqy jáne turǵyn úi satyp alýǵa nemese salýǵa biýdjettik kredit tóleý túrindegi qoldaý retindegi áleýmettik sharalar kózdelgen.
– Budan basqa aýyldy aýmaqtardy damytýdyń 2023-2027 jyldarǵa arnalǵan tujyrymdamasyn iske asyrý sheńberinde «Diplommen – aýylǵa» jobasy boiynsha mamandarǵa áleýmettik qoldaý kórsetýdi jaqsartý maqsatynda 2024 jylǵy 1 qańtardan bastap kórsetilgen biýdjettik kredit (1500 AEK-ten 2500 AEK-ke deiin, aýdan ortalyqtary men aýyldy eldimekender úshin 2000 AEK-ke deiin) mólsheri ulǵaitylady. 2024 jyly 3,6 myńnan astam mamanǵa 30 mlrd teńgege biýdjettik kredit berý josparlanýda, - delingen úkimet basshysynyń depýtattarǵa bergen jaýabynda.
Sonymen birge, qoldanystaǵy baǵdarlamalardy júieleý maqsatynda «Otbasy bank» AQ-men birlesip nesieleýdiń jeńildikti sharttary bar jastar úshin biryńǵai turǵyn úi baǵdarlamasyn iske asyrý máselesi pysyqtalǵan.
Eske sala keteiik, depýtattar «Serpin» baǵdarlamasy toqtaǵaly turǵany týrasynda osydan eki jyl buryn da dabyl qaqqan. Ol tusta senatorlar jeńildiktiń alynyp tastalýy ońtústik óńirden kelgen túlekterdiń soltústik óńirlerdegi kolledjder men joǵary oqý oryndarynda oqýǵa degen yntasy qurtatynyn málim etken edi.
