Qonaev qalasy Sheńgeldi aýylyndaǵy ambýlatoriianyń kúrdeli jóndeý jumystary 2024 jyldyń sáýir aiynda bastalǵan. Bul týraly Qonaev qalalyq kópsalaly aýrýhananyń direktory Aiman Rakisheva press-týr barysynda málim etti,- dep habarlaidy Dalanews.kz
«Merdiger kompaniia – «Dáýlet-Serpin» JShS. Qazirgi tańda qurylysy tolyǵymen aiaqtalǵan. Kúrdeli jóndeý kezinde injenerlik jelileri, shatyry, qazandyǵy, esik-terezeleri túgeldei aýystyrylyp, ambýlatoriianyń aýlasy abattandyrylǵan», – dedi qalanyń bas dárigeri.
Atalǵan nysan bir aýysymda 100 adamdy qabyldai alady, kúndizgi em alý bólimi 10 adamǵa arnalǵan. Munda jalpy praktika dárigerleri, pediatr, balalar tis dárigeri, meiirbikeler men kishi meiirbikeler qyzmet etedi. Barlyǵy 18 maman, kadr tapshylyǵy joq.
«Sondai-aq Qazaqstanda 2-3 danasy ǵana bar teńdessiz laboratoriia da osy jerde ashylady. Ol 5-6 saǵat ishinde taldaýlardyń nátijesin shyǵaryp, naýqastarǵa der kezinde kómek kórsetýge múmkindik beredi. Budan bólek, munda rentgen apparaty iske qosylady. Kúrdeli jóndeýge deiin 1 ǵana korpýs jumys istese, endi 2 korpýs jumys isteitin bolady. Iaǵni, halyqqa qyzmet kórsetý sapasy aitarlyqtai artady», - dedi Aiman Rakisheva.
Analar men balalardy qabyldaýǵa da jaǵdai jasalǵan. Dáriger-ginekologtar Qonaev qalasynan kelip, kestege sai qyzmet kórsetedi. Al kabineti zamanaýi jabdyqtarmen jabdyqtalǵan. Barlyq qajetti quraldar bar. Shuǵyl jaǵdai bolatyn bolsa, naýqastar birden Qonaev qalasyna jóneltiledi.
Aita keteiik, Sheńgeldi aýylyna qarasty Qosqudyq eldimekeninde feldsherlik-akýsherlik pýnkt, Sarybulaq pen Aqózekte medpýnkt jumys istep tur.
