Aýyl turǵyndaryna arnalǵan jańa turǵyn úı baǵdarlamasy mamyrda iske qosylatyn boldy, dep habarlaıdy Dalanews.kz.
Ónerkásip jáne qurylys mınıstri Qanat Sharlapaevtyń málimetinshe, qazirgi ýaqytta bul baǵdarlamaǵa «Otbasy» banki 300 mlrd teńge tartyp jatyr.
- Bul - baǵdarlamanyń jalpy mólsheri. Halyqtyń áleýmettik jaǵynan az qamtylǵan sanaty úshin mólsherleme 7 paıyzdan aspaıdy», - dedi Qanat Sharlapaev Úkimet otyrysynan keıin.
Onyń atap ótýinshe, aldaǵy mamyr aıynda baǵdarlamanyń barlyq sharty jarıalanady.
«1 mamyrda baǵdarlamanyń barlyq shartyn tolyqtaı jarıa etemiz. Ol 1 mamyrdan bastalady. Qazirgi ýaqytta oǵan naryqtan qarajat tartyp jatyrmyz. Tek azdaǵan ýaqyt qajet. Sondyqtan baǵdarlama 1 mamyrdan bastalady. Mınıstrlik pen «Otbasy» banki qyzmetkerlerine taǵy bir márte jeke baspasóz máslıhatyn ótkizip, baǵdarlama jaıynda aıtyp berýdi ótinemiz», - dedi mınıstr.
