– Álemdik deńgeidegi tanymal kompaniia basshysynyń Petropavlǵa kelýi – jobaǵa úlken kóńil bólip otyrǵandyǵyn kórsetip otyr. CLAAS basshylyǵymen kelissózder 2017 jyly bastalǵan bolatyn. Jobany júzege asyrýǵa Prezident Qasym-Jomart Toqaevtyń Germaniiaǵa 2019 jyly barýy jáne Katrina Klaaspen kezdesýi mańyzdy serpin berdi, – dep atap ótti SQO ákimi Qumar Aqsaqalov.
CLAAS – aýylsharýashylyq tehnikasynyń álemdegi úzdik óndirýshisi. Elimizdiń diqandary tehnikanyń sapasyn joǵary baǵalady. Eń jarqyn mysal retinde «Ashat Agro» JShS alqabynda 30 jyl boiy egin oryp júrgen CLAAS Dominator kombainyn aitýǵa bolady. 1992 jyldan beri kombain 12 myń saǵat jumys istep, áli de qyzmet etip keledi.
– Bizdiń mindetimiz – aýylsharýashylyq taýar óndirýshilerin sapaly jáne joǵary ónimdi, ári baǵasy naryqtan tómen tehnikamen qamtamasyz etý. Bul diqandarǵa egindi ońtaily ýaqytta egip, jinap alýy úshin kerek. Tehnikany jańartpai aýyl sharýashylyǵyn damytý múmkin emes. Men aýyl sharýashylyǵy injeneri retinde muny jaqsy bilemin, – dedi óńir basshysy.
Búginde nemis kompaniiasynyń kombaindary men traktorlary úlken suranysqa ie. Tehnikanyń baǵasy 27%-ǵa deiin tómendetildi. Kásiporyn ótken jyly 92 birlik tehnika qurastyrsa, biyl 300-den asyrýdy kózdep otyr. Kelesi jylǵa jospar – 500 birlik tehnika qurastyrýdy josparlap otyr.
