– الەمدىك دەڭگەيدەگى تانىمال كومپانيا باسشىسىنىڭ پەتروپاۆلعا كەلۋi – جوباعا ۇلكەن كوڭiل ءبولiپ وتىرعاندىعىن كورسەتiپ وتىر. CLAAS باسشىلىعىمەن كەلiسسوزدەر 2017 جىلى باستالعان بولاتىن. جوبانى جۇزەگە اسىرۋعا پرەزيدەنت قاسىم-جومارت توقايەۆتىڭ گەرمانياعا 2019 جىلى بارۋى جانە كاترينا كلااسپەن كەزدەسۋi ماڭىزدى سەرپiن بەردi، – دەپ اتاپ ءوتتى سقو اكiمi قۇمار اقساقالوۆ.
CLAAS – اۋىلشارۋاشىلىق تەحنيكاسىنىڭ الەمدەگi ءۇزدiك ءوندiرۋشiسi. ەلiمiزدiڭ ديقاندارى تەحنيكانىڭ ساپاسىن جوعارى باعالادى. ەڭ جارقىن مىسال رەتiندە «اسحات اگرو» ج ش س القابىندا 30 جىل بويى ەگiن ورىپ جۇرگەن CLAAS Dominator كومباينىن ايتۋعا بولادى. 1992 جىلدان بەرi كومباين 12 مىڭ ساعات جۇمىس iستەپ، ءالi دە قىزمەت ەتiپ كەلەدi.
– بiزدiڭ مiندەتiمiز – اۋىلشارۋاشىلىق تاۋار ءوندiرۋشiلەرiن ساپالى جانە جوعارى ءونiمدi، ءارi باعاسى نارىقتان تومەن تەحنيكامەن قامتاماسىز ەتۋ. بۇل ديقاندارعا ەگiندi وڭتايلى ۋاقىتتا ەگiپ، جيناپ الۋى ءۇشiن كەرەك. تەحنيكانى جاڭارتپاي اۋىل شارۋاشىلىعىن دامىتۋ مۇمكiن ەمەس. مەن اۋىل شارۋاشىلىعى ينجەنەرi رەتiندە مۇنى جاقسى بiلەمiن، – دەدi ءوڭiر باسشىسى.
بۇگiندە نەمiس كومپانياسىنىڭ كومبايندارى مەن تراكتورلارى ۇلكەن سۇرانىسقا يە. تەحنيكانىڭ باعاسى 27%-عا دەيiن تومەندەتiلدi. كاسiپورىن وتكەن جىلى 92 بiرلiك تەحنيكا قۇراستىرسا، بيىل 300-دەن اسىرۋدى كوزدەپ وتىر. كەلەسi جىلعا جوسپار – 500 بiرلiك تەحنيكا قۇراستىرۋدى جوسپارلاپ وتىر.
