AÝYL MEKTEBİNE BATYRDYŃ ESİMİ BERİLDİ

Dalanews 05 maý. 2015 01:59 136

11329822_1556915081237094_3704728978701893254_nAqsý qalasy Dostyq aýyldyq okrýgine qarasty Pogranıchnık eldi mekeninde sońǵy qońyraý soǵylyp, aýyl mektebine «Halyq qaharmany», Keńes Odaǵynyń batyry Baýyrjan Momyshulynyń esimi berildi. Aýyl turǵyndarynyń qýanyshyn bólisken qala ákimi Qaırat Núkenov bilim ordasynda batyr atanyń qurmetine arnalǵan memorıaldy taqtanyń ashylý rásimin jasady. Qaırat Temirshotuly merekelik sharadan keıin dóńgelek ústel basynda mektep túlekterimen júzdesti. 

Shahar basshysy mektep bitirýshilerdi ómirlerindegi eń mańyzdy kúnmen quttyqtap, bilim jolyndaǵy bolashaq josparlarynyń oryndalýyna sáttilik tiledi. Sonymen qatar, mektep basshysyna aıtýly kúnniń aıshyqty nyshany retinde aqıyq batyrdyń aıbarly beınesi somdalǵan portretti syıǵa tartty. Al osy qýanyshty jańalyqtyń iske asýyna uıytqy bolǵan Pogranıchnık aýylynyń turǵyny Sadyqbek Nuseıitovke qala ákimi Qurmet gramotasy men estelik syılyǵyn tabys etti. Sońynan dástúrli túrde sońǵy qońyraý soǵyldy.

Esterińizge sala keteıik, osydan bes jyl buryn aýyldyń bir top adamdary Pogranıchnık orta mektebine batyrdyń esimin berý týraly usynys jasaǵan bolatyn. Osyǵan oraı, oblystyq jáne qalalyq tilderdi damytý bólimderi birqatar zertteý jumystaryn júrgizip, ter tókti. Bıyl Baýyrjan Momyshulynyń 100 jyldyq mereıtoıy qarsańynda sol ıgi bastama óz máresine jetti.

11206962_1556914981237104_2617188886305835909_n

 

 Gúlnar QADYROVA,

mektep dırektory:

– Mektebimiz Baýyrjan Momyshulyndaı qazaqtyń qaısar ulynyń esimin aldy. Men muny – teńdesi joq baqyt dep bilemin. Sondyqtan, oqýshylarymyzdy patrıottyq rýhta tárbıelep, batyr atalaryndaı Otanyna adal, ultjandy azamat bolyp ósýine jaǵdaı jasaıtyn bolamyz. Mektebimizde barlyǵy 181 oqýshy,  39 muǵalim bar. Bıyl qazaq-orys synyptarynan 6 oqýshy mektep bitirip otyr. Olardyń ekeýi UBT tapsyrady. Jalpy, bıylǵy oqý jylyn 21 oqýshy «úzdik» támamdasa, solardyń 18-i bastaýysh synyp oqýshylary. Al 9-shy synyptyń eki oqýshysy «qyzyl atestatqa» úmit artýda.

Aıgúl MOLDASH


Usynylǵan
Sońǵy jańalyqtar
x