Túrkistan oblysy, Qazyǵurt aýdany, Qyzylqıa aýylynda zamanaýı sport kesheni ashylyp, el ıgiligine berildi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Mundaı keshen aýylda buryn bolmaǵan. Endi Qyzylqıa aýylyna qarasty 5 aýyldyń jastary qalaǵa qatynamaı-aq, sporttyń 10 túrinen shynyǵyp, shyńdalady.

Sport keshenin aýyl turǵyny, el janashyry Nurmahanbet Seıtkárim óz qarajaty esebinen salyp berdi. Munda bir mezgilde 100-den asa adamnyń jattyǵýyna múmkindik bar.



Nysannyń ashylý saltanatyna qatysqan Qazyǵurt aýdanynyń ákimi Arman Abdýllaev aýyl turǵyndaryn jańa ǵımaratpen quttyqtap, bul sport kesheni aýyl turǵyndaryn salaýatty ómir saltyn ustanýǵa úndeıtin, jastardy buqaralyq sportqa tartatyn tárbıe oshaǵy bolatynyna senimdi ekenin jetkizdi.