Tusaýkeser barysynda Sun Finance ókilderi “Aýyl fýtbol” jobasyn damytýǵa baǵyttalǵan 5 million tenge kólemindegi sertifikat usyndy.
Bólingen qarjy 5 oblysta (Almaty, Aqtóbe, Mańǵystaý, Aqmola jáne Túrkistan oblystary) “Sun Finance Cup”- tyń 5 týrnirin ótkizýge baǵyttalady. Týrnirlerge 30-ǵa jýyq aýyldyq komandalar qatysady. Sonymen qatar 20 aýyldyq balalar fýtbol klýbtaryna materialdyq kómek (doptar jáne sporttyq saimandar) beriledi, jáne “Fýtbol Ýik-Endi” aiasyndaǵy jattyqtyrýshylarǵa arnalǵan seminarlar uiymdastyrylady.
“Bizge jobanyń aýyldaǵy balalar sportyn damytý ideiasy unady. Biz úshin áleýmettik turǵyda bul jobaǵa qatysý óte mańyzdy. “Aýyl fýtbol” sportty nasihattaidy, bul óz kezeginde bala tárbiesiniń mańyzdy qyry bolyp tabylady. Biz osyndai iske atsalysýǵa qýanyshtymyz” - dep aitty Sun Finance Group-tyń Ortalyq Aziiadaǵy habynyń bas direktory Vitalii Nijegorodtsev.
Búgingi tańda “Aýyl fýtbol” jobasyna 30 shaqty aýyldyq komandalar qatysýda. Búgingi tusaýkeserge Almaty oblysy, Raiymbek aýylynyń “Red Sapsans” komandasy qatysty. Sertifikat tapsyrý rásiminen keiin is-shara qonaqtary “Red Sapsans” komandasymen match oinady. Match 2:2 teń esebimen aiaqtaldy. Klýbqa barlyq balalar tegin qatysyp jatqanyn aita ketken jón.
“Balalar úshin týrnirlarda tájiribe jinaý mańyzdy, sol sebepten biz demeýshilik kómektiń negizgi bóligin týrnirlerdi uiymdastyrýǵa baǵyttaýdy sheshtik. Biz Sun Finance Group-qa kórsetilgen qoldaý úshin alǵysymyzdy bildiremiz, biyl olar bizdiń eń iri demeýshimiz boldy” - dep aitty “Aýyl Fýtbol” jobasynyń jetekshisi, jýrnalist Serik Mámbetov.
Joba qonaqtarynyń arasynda Qazaqstan Respýblikasy Parlamenti Májilisiniń Depýtaty Irina Smirnova boldy.
“Men “Aýyl fýtbol” jobasyn biraz ýaqyt boiy baqylap kelemin jáne oǵan úlken qurmetpen qaraimyn. Memleket sporttyń damýyna úlken qarjy bólýde, alaida qarjy osyǵan uqsas buqaralyq sportty damytýǵa arnalǵan jobalarǵa jetpei jatady”, - dep aitty depýtat.
“Bizdiń joba memleketten qarjy almaidy, sol sebepten kómekti kásipkerler men qoldaý kórsetýge daiyn otandastarymyzdan suraimyz. Sun Finance kompaniiasynyń arqasynda balalar tájiribe jinaidy, utýdy jáne utylýdy úirenedi, jańa sporttyq saimandar alady, al jattyqtyrýshylar biliktiligin arttyrady. Birlesken joba biylǵy jylǵa josparlanǵan”, - dep qorytyndylady S.Mámbetov.
