Biyl sáýirde Memleket basshysy Qasym-Jomart Toqaevtyń tapsyrmasyna sáikes «2025 jylǵa deiin halyqtyń tabysyn arttyrý baǵdarlamasy» bekitildi. Aýyl turǵyndarynyń jyldyq mólsherlemesi 2,5%-dy quraityn jeńildetilgen nesie alýyna, kooperativ qurý jáne tehnikany lizingke resimdeý kezinde kómek alýyna múmkindik paida bolady. Osy baǵdarlama aiasynda partiia Úkimetpen birlesip «Aýyl amanaty» jobasyn júzege asyrýda.
– Elimizdegi árbir óńirdiń ózindik ereksheligi bar. Múmkindikteri de ár túrli. Sondyqtan da osy joba aiasynda barlyq aýyldyń áleýetin anyqtap, turǵyndarǵa ary qarai daiyn baǵytta kásip ashýdy úiretýdi kózdeimiz. Bul eldi mekenderdi damytýǵa baǵyttalǵan mańyzdy qadam, – dedi biznes-trener Zaira Ýsývalieva.
28 shildede partiia músheleri aýqymdy aqparattyq marafondy bastady. Sonyń barysynda Shyǵys Qazaqstan, Mańǵystaý, Aqmola, Atyraý, Qyzylorda, Batys Qazaqstan jáne Ulytaý oblystaryndaǵy 116 aýyldyq okrýgti aralap úlgerdi.
Máselen, Shyǵys Qazaqstan oblysynda partiia músheleri 18 aýyldyq eldi mekende bolyp, 700-ge jýyq adam jobamen tanysty.
– Bul – aýyl turǵyndaryna asa qajet baǵdarlama. Ondaǵy basym baǵyttarǵa, azamattarǵa qarastyrylǵan múmkindikterge dán rizamyn. Osyndai jobalar arqyly aýyl adamdary turmysyn jaqsartyp, ál-aýqatyn arttyrady. Eń bastysy, jappai qalaǵa kóshý úrdisi báseńdeidi. Eldi mekenderde jumys oryndary ashylady. Ásirese, jastar qaýymynyń týǵan jerde turaqtap qalýyna jaǵdai jasalady, – dedi Shyǵys Qazaqstan oblysy Ulan aýdany Turǵyn aýylynyń turǵyny Bekzat Názirbek.
– Aýyldyń, onyń turǵyndarynyń ómir sapasy men ál-aýqatyn jaqsartýǵa negizdelgen baǵdarlama ekenine kóz jetkizdim. Birigip kooperativ ashamyn, kásibimdi damytamyn degen belsendi azamattar úshin tartymdy usynystar jasalyp jatyr. Sharýalar tehnikany lizingke resimdeý kezinde kómek ala alady. Jyldyq mólsherlemesi tómen jeńildetilgen nesie de qarastyrylǵan, – dedi ol.
Mobildi toptar elimizdiń ár óńirindegi 394 aýyldyq eldi mekenge barýdy kózdep otyr. Sapar 10 qyrkúiekke deiin jalǵasady.
