بيىل سەۋٸردە مەملەكەت باسشىسى قاسىم-جومارت توقاەۆتىڭ تاپسىرماسىنا سەيكەس «2025 جىلعا دەيٸن حالىقتىڭ تابىسىن ارتتىرۋ باعدارلاماسى» بەكٸتٸلدٸ. اۋىل تۇرعىندارىنىڭ جىلدىق مٶلشەرلەمەسٸ 2,5%-دى قۇرايتىن جەڭٸلدەتٸلگەن نەسيە الۋىنا, كووپەراتيۆ قۇرۋ جەنە تەحنيكانى ليزينگكە رەسٸمدەۋ كەزٸندە كٶمەك الۋىنا مٷمكٸندٸك پايدا بولادى. وسى باعدارلاما اياسىندا پارتييا ٷكٸمەتپەن بٸرلەسٸپ «اۋىل اماناتى» جوباسىن جٷزەگە اسىرۋدا.
– ەلٸمٸزدەگٸ ەربٸر ٶڭٸردٸڭ ٶزٸندٸك ەرەكشەلٸگٸ بار. مٷمكٸندٸكتەرٸ دە ەر تٷرلٸ. سوندىقتان دا وسى جوبا اياسىندا بارلىق اۋىلدىڭ ەلەۋەتٸن انىقتاپ, تۇرعىندارعا ارى قاراي دايىن باعىتتا كەسٸپ اشۋدى ٷيرەتۋدٸ كٶزدەيمٸز. بۇل ەلدٸ مەكەندەردٸ دامىتۋعا باعىتتالعان ماڭىزدى قادام, – دەدٸ بيزنەس-ترەنەر زايرا ۋسۋۆاليەۆا.
28 شٸلدەدە پارتييا مٷشەلەرٸ اۋقىمدى اقپاراتتىق مارافوندى باستادى. سونىڭ بارىسىندا شىعىس قازاقستان, ماڭعىستاۋ, اقمولا, اتىراۋ, قىزىلوردا, باتىس قازاقستان جەنە ۇلىتاۋ وبلىستارىنداعى 116 اۋىلدىق وكرۋگتٸ ارالاپ ٷلگەردٸ.
مەسەلەن, شىعىس قازاقستان وبلىسىندا پارتييا مٷشەلەرٸ 18 اۋىلدىق ەلدٸ مەكەندە بولىپ, 700-گە جۋىق ادام جوبامەن تانىستى.
– بۇل – اۋىل تۇرعىندارىنا اسا قاجەت باعدارلاما. ونداعى باسىم باعىتتارعا, ازاماتتارعا قاراستىرىلعان مٷمكٸندٸكتەرگە دەن ريزامىن. وسىنداي جوبالار ارقىلى اۋىل ادامدارى تۇرمىسىن جاقسارتىپ, ەل-اۋقاتىن ارتتىرادى. ەڭ باستىسى, جاپپاي قالاعا كٶشۋ ٷردٸسٸ بەسەڭدەيدٸ. ەلدٸ مەكەندەردە جۇمىس ورىندارى اشىلادى. ەسٸرەسە, جاستار قاۋىمىنىڭ تۋعان جەردە تۇراقتاپ قالۋىنا جاعداي جاسالادى, – دەدٸ شىعىس قازاقستان وبلىسى ۇلان اۋدانى تۇرعىن اۋىلىنىڭ تۇرعىنى بەكزات نەزٸربەك.
– اۋىلدىڭ, ونىڭ تۇرعىندارىنىڭ ٶمٸر ساپاسى مەن ەل-اۋقاتىن جاقسارتۋعا نەگٸزدەلگەن باعدارلاما ەكەنٸنە كٶز جەتكٸزدٸم. بٸرٸگٸپ كووپەراتيۆ اشامىن, كەسٸبٸمدٸ دامىتامىن دەگەن بەلسەندٸ ازاماتتار ٷشٸن تارتىمدى ۇسىنىستار جاسالىپ جاتىر. شارۋالار تەحنيكانى ليزينگكە رەسٸمدەۋ كەزٸندە كٶمەك الا الادى. جىلدىق مٶلشەرلەمەسٸ تٶمەن جەڭٸلدەتٸلگەن نەسيە دە قاراستىرىلعان, – دەدٸ ول.
موبيلدٸ توپتار ەلٸمٸزدٸڭ ەر ٶڭٸرٸندەگٸ 394 اۋىلدىق ەلدٸ مەكەنگە بارۋدى كٶزدەپ وتىر. ساپار 10 قىركٷيەككە دەيٸن جالعاسادى.
