Báidibek aýdanynda «Aýyl amanaty» jobasymen 2,5 paiyzdyq nesie alýǵa aýdandaǵy 144 azamat ótinim bildirip, onyń 108-i maquldanǵan.
Búginde atalǵan joba aiasynda Aqbastaý, Alǵabas, Kókterek aýyldyq okrýgindegi 57 azamattyń jylqy, múiizdi iri qara, ýaq maldardy bordaqylaý, saýyndy siyr alý, aýyl sharýashylyq kooperativin tehnikamen jabdyqtaý boiynsha jobalary qarjylandyrylyp, kásip bastaǵandar qatary kún sanap artyp keledi.
Oǵan dálel, Aqbastaý aýylynyń turǵyny Tamara Dáýeshova nesie alyp, kásibiniń násibin kórip keledi. Aqbastaýlyq kásipker búginde «Aýyl amanaty» jobasy boiynsha 2,5 paiyzben 6 mln teńge nesiege ótinim bildirip, atalǵan somaǵa Almaty oblysynan 18 bas jylqy satyp alǵan.
Qazirgi tańda jylqylaryn úi aýlasynda baǵyp, bordaqylaý isimen ainalysýda. Al mal baptaý isimen joldasy ekeýi tyńǵylyqty ainalysady.
Kásipkerdiń aitýynsha, aldaǵy ýaqytta mal basyn kóbeitip, kásibin keńeitpek, osylaisha, aýyl turǵyndarynan 5 azamatty turaqty jumyspen qamtýdy josparlap otyr.
