بەيدٸبەك اۋدانىندا «اۋىل اماناتى» جوباسىمەن 2,5 پايىزدىق نەسيە الۋعا اۋدانداعى 144 ازامات ٶتٸنٸم بٸلدٸرٸپ, ونىڭ 108-ٸ ماقۇلدانعان.
بٷگٸندە اتالعان جوبا اياسىندا اقباستاۋ, العاباس, كٶكتەرەك اۋىلدىق وكرۋگٸندەگٸ 57 ازاماتتىڭ جىلقى, مٷيٸزدٸ ٸرٸ قارا, ۋاق مالداردى بورداقىلاۋ, ساۋىندى سيىر الۋ, اۋىل شارۋاشىلىق كووپەراتيۆٸن تەحنيكامەن جابدىقتاۋ بويىنشا جوبالارى قارجىلاندىرىلىپ, كەسٸپ باستاعاندار قاتارى كٷن ساناپ ارتىپ كەلەدٸ.
وعان دەلەل, اقباستاۋ اۋىلىنىڭ تۇرعىنى تامارا دەۋەشوۆا نەسيە الىپ, كەسٸبٸنٸڭ نەسٸبٸن كٶرٸپ كەلەدٸ. اقباستاۋلىق كەسٸپكەر بٷگٸندە «اۋىل اماناتى» جوباسى بويىنشا 2,5 پايىزبەن 6 ملن تەڭگە نەسيەگە ٶتٸنٸم بٸلدٸرٸپ, اتالعان سوماعا الماتى وبلىسىنان 18 باس جىلقى ساتىپ العان.
قازٸرگٸ تاڭدا جىلقىلارىن ٷي اۋلاسىندا باعىپ, بورداقىلاۋ ٸسٸمەن اينالىسۋدا. ال مال باپتاۋ ٸسٸمەن جولداسى ەكەۋٸ تىڭعىلىقتى اينالىسادى.
كەسٸپكەردٸڭ ايتۋىنشا, الداعى ۋاقىتتا مال باسىن كٶبەيتٸپ, كەسٸبٸن كەڭەيتپەك, وسىلايشا, اۋىل تۇرعىندارىنان 5 ازاماتتى تۇراقتى جۇمىسپەن قامتۋدى جوسپارلاپ وتىر.
