Densaýlyq saqtaý ministrligi Joǵary aýditorlyq palata júrgizgen aýditten keiin dári-dármekterdi satyp alý men baǵasyn baqylaýdy kúsheitti, dep habarlaidy Dalanews.kz.
Densaýlyq saqtaý salasynda dárilik zattar men meditsinalyq buiymdardy satyp alý tiimdiligin arttyrý jáne olarǵa baǵa belgileýdi jaqsartý úshin sharalar kesheni qabyldandy. Bul jumys QR Joǵary aýditorlyq palatasynyń nusqamasy boiynsha júrgizildi.
Biyl kóktemde Densaýlyq saqtaý ministrliginiń, onyń vedomstvolyq baǵynysty uiymdarynyń jáne biryńǵai distribiýtor «SK-Farmatsiia» JShS-nyń qyzmetine memlekettik aýdit júrgizildi. Joǵary aýditorlyq palata azamattar men aýrýhanalardyń dári-dármektermen jáne meditsinalyq buiymdarmen qalai qamtamasyz etiletinin tekserdi.
Aýdit aiaqtalǵannan keiin aýdit obektilerine anyqtalǵan kemshilikter men buzýshylyqtardy joiý úshin naqty tapsyrmalar berildi.
Júrgizilgen jumys nátijesinde Densaýlyq saqtaý ministrligi Tegin meditsinalyq kómektiń kepildik berilgen kólemi (TMKKK) jáne Mindetti meditsinalyq saqtandyrý júiesi (MÁMS) sheńberinde
dári-dármekter men meditsinalyq buiymdardyń shekti baǵalaryn qalyptastyrý qaǵidalaryna mańyzdy ózgerister engizdi.
Referenttik baǵa belgileý (basqa elderdegi baǵalardy salystyrý) tártibi jańartyldy jáne baǵa belgileýdi barynsha naqty ári ashyq etý úshin qolda bar ózekti derekter men aqparattyq júielerdi paidalana otyryp, baǵalardy tirkeý kózdelgen. Basty maqsat – negizsiz ústeme baǵalardyń aldyn alý.
Jańa mehanizm sheńberinde TMKKK men MÁMS júiesine kiretin 2,9 myń dári-dármek ataýynyń, sondai-aq bólshek jáne kóterme saýda úshin 4,9 myń dári-dármek baǵasy qaita qaraldy.
Densaýlyq saqtaý ministrliginiń budan buryn bekitilgen buiryqtaryna da ózgerister engizildi. Nátijesinde 453 pozitsiia boiynsha baǵa tómendedi, 38 pozitsiia boiynsha baǵa kóterildi, 601 pozitsiia ózgerissiz qaldy. Meditsinalyq buiymdardyń 1,4 myń tehnikalyq sipattamasy jáne dárilik zattardyń 1,1 myń halyqaralyq patenttelmegen ataýy túzetildi. Qosymsha dárilik zattardyń 28 jańa pozitsiiasy engizildi.
Sonymen qatar Biryńǵai distribiýtor BUUDB men IýNISEF-ti qosa alǵanda, BUU júiesiniń halyqaralyq uiymdarymen jasalǵan kelisimderdi qaita qarap, jańartty.
Endi qujattarda mynadai jańa tarmaqtar bekitildi:
meditsinalyq taýarlardy jetkizý merzimderi men sapasynyń saqtalýy úshin jaýaptylyq;
josyqsyz jetkizýshilerge aiyppul sanktsiialaryn qoldaný;
ishinara aldyn ala tólem jasaý múmkindigi.
Qabyldanǵan sharalar satyp alý qyzmetiniń ashyqtyǵy men tiimdiligin arttyrýǵa, jetkiziletin dári-dármekter men meditsinalyq buiymdardyń sapasyn baqylaýdy kúsheitýge, sondai-aq baǵa belgileý mehanizmderin ońtailandyrýǵa baǵyttalǵan.
