QazExpoCongress ulttyq kompanıasy QR Joǵary aýdıtorlyq palatasynyń nusqamasy boıynsha enshiles korporatıvtik qorlarynyń birin taratty. Bul kompanıa qurylymyn ońtaılandyrý úshin qajet bolǵany aıtylady, dep habarlaıdy Dalanews.kz.
Joǵary aýdıtorlyq palatanyń nusqamasy boıynsha "QazExpoCongress" Ulttyq kompanıasy" AQ qurylymyn ońtaılandyryp, "Qazaqstan" Saýda-kórme ortalyǵy" enshiles korporatıvtik qoryn taratty.
"Caýda jáne ıntegrasıa mınıstrligi men onyń vedimistik baǵynysty uıymdarynda júrgizilgen memlekettik aýdıt nátıjesi boıynsha Ulttyq kompanıanyń eki korporatıvtik qory bar ekeni anyqtaldy: "QazExpoCongress" KQ jáne "Qazaqstan" Saýda-kórme ortalyǵy" KQ. Birinshi qor arqyly atalǵan ulttyq kompanıany nysanaly qarjylandyrý júzege asyrylady, al ekinshisi Máskeýdegi Halyq sharýashylyǵy jetistikteri kórmesi aýmaǵyndaǵy jáne Dýbaıdaǵy EKSPO-2020 aýmaǵyndaǵy qazaqstandyq pavılondardy basqarady. Bul eki komersıalyq emes uıymdaǵy jumys júktemesiniń azdyǵy, sondaı-aq jekelegen fýnksıalardyń qaıtalanýy olardyń odan ári qatar jumys isteýiniń oryndylyǵyna qatysty suraq týyndatty. Osyǵan baılanysty saýda jáne ıntegrasıa mınıstrligine "QazExpoCongress" UK" AQ-men birlesip tıisti shara qabyldaý tapsyryldy", delingen Joǵary aýdıtorlyq palatasynyń habarlamasynda.
Nátıjesinde ulttyq kompanıa mınıstrlik kelisimi boıynsha "QazExpoCongress" KQ-nyń qaramaǵyna qolda bar múlikti, ǵımarattardy, sondaı-aq sharttar boıynsha mindettemelerdi bere otyryp, "Qazaqstan" Saýda-kórme ortalyǵy" KQ-ny taratý týraly sheshim qabyldady.
