QazExpoCongress ۇلتتىق كومپانياسى ق ر جوعارى اۋديتورلىق پالاتاسىنىڭ نۇسقاماسى بويىنشا ەنشىلەس كورپوراتيۆتىك قورلارىنىڭ ءبىرىن تاراتتى. بۇل كومپانيا قۇرىلىمىن وڭتايلاندىرۋ ءۇشىن قاجەت بولعانى ايتىلادى، دەپ حابارلايدى Dalanews.kz.
جوعارى اۋديتورلىق پالاتانىڭ نۇسقاماسى بويىنشا "QazExpoCongress" ۇلتتىق كومپانياسى" اق قۇرىلىمىن وڭتايلاندىرىپ، "قازاقستان" ساۋدا-كورمە ورتالىعى" ەنشىلەس كورپوراتيۆتىك قورىن تاراتتى.
"Cاۋدا جانە ينتەگراسيا مينيسترلىگى مەن ونىڭ ۆەدومستۆولىق باعىنىستى ۇيىمدارىندا جۇرگىزىلگەن مەملەكەتتىك اۋديت ناتيجەسى بويىنشا ۇلتتىق كومپانيانىڭ ەكى كورپوراتيۆتىك قورى بار ەكەنى انىقتالدى: "QazExpoCongress" كق جانە "قازاقستان" ساۋدا-كورمە ورتالىعى" كق. ءبىرىنشى قور ارقىلى اتالعان ۇلتتىق كومپانيانى نىسانالى قارجىلاندىرۋ جۇزەگە اسىرىلادى، ال ەكىنشىسى ماسكەۋدەگى حالىق شارۋاشىلىعى جەتىستىكتەرى كورمەسى اۋماعىنداعى جانە دۋبايداعى ەكسپو-2020 اۋماعىنداعى قازاقستاندىق پاۆيلونداردى باسقارادى. بۇل ەكى كوممەرسيالىق ەمەس ۇيىمداعى جۇمىس جۇكتەمەسىنىڭ ازدىعى، سونداي-اق جەكەلەگەن فۋنكسيالاردىڭ قايتالانۋى ولاردىڭ ودان ءارى قاتار جۇمىس ىستەۋىنىڭ ورىندىلىعىنا قاتىستى سۇراق تۋىنداتتى. وسىعان بايلانىستى ساۋدا جانە ينتەگراسيا مينيسترلىگىنە "QazExpoCongress" ۇك" اق-مەن بىرلەسىپ ءتيىستى شارا قابىلداۋ تاپسىرىلدى"، دەلىنگەن جوعارى اۋديتورلىق پالاتاسىنىڭ حابارلاماسىندا.
ناتيجەسىندە ۇلتتىق كومپانيا مينيسترلىك كەلىسىمى بويىنشا "QazExpoCongress" كق-نىڭ قاراماعىنا قولدا بار مۇلىكتى، عيماراتتاردى، سونداي-اق شارتتار بويىنشا مىندەتتەمەلەردى بەرە وتىرىپ، "قازاقستان" ساۋدا-كورمە ورتالىعى" كق-نى تاراتۋ تۋرالى شەشىم قابىلدادى.
