Aýdanynda kásipkerler qatary artyp keledi
Sońǵy jyldary jeke kásipkerlik salasynda damý baiqalady. Aýdandyq kirister basqarmasynyń málimetine súiensek, burynǵy irilengen Maqtaral aýdanynda 16 bazar, 3 iri saýda ortalyǵy, 17 toihana jáne 10 meiramhana men 36 kafe, sondai-aq, 286 basqa da qoǵamdyq tamaqtaný oryndary tirkelgen. Sonyń basym bóligi Jetisai aýdanyndaǵy qala men kentte ornalasqan. Qazirgi tańda Jetisai aýdany ákiminiń tapsyrmasyna sai saýda bazarlarynda qyzmet etetin salyq tóleýshilerdiń jeke kásipker retinde tirkelýin jáne baqylaý kassa mashinalary men POS terminaldarynyń bar-joqtyǵyna túgendeý jumystary júrgizilýde.
Aldaǵy ýaqytta jergilikti ákimshilik, quqyq qorǵaý organdary, «Nur Otan» partiiasy, Ulttyq kásipkerler palatasy jáne prokýratýra qyzmetkerleriniń uiymdastyrýymen reidtik tekserý jumystary josparlanýda. Óitkeni 2019 jyldyń 1 qańtarynan bastap ashyq saýda bazarlarynyń aýmaǵyndaǵy statsionarlyq emes saýda nysandaryndaǵy satýshylar baqylaý kassa mashinasyn qoldanýǵa mindetti bolady.
Jetisai aýdany ákiminiń baspasóz qyzmeti
