Búgin tańerteń mamandar oqiǵa ornyna baryp, qajetti tekserister júrgizdi. Qazir josparly jumystar atqarylyp jatyr. Sogra aýdanyndaǵy mektep oqýshylary qashyqtan oqýǵa aýystyryldy, – dep habarlaidy Dalanews.kz ShQO ákiminiń baspasóz qyzmetine silteme jasap.
Qazgidromet jeldiń bolmaýyna bailanysty II dárejeli qolaisyz meteojaǵdai tirkelgenin habarlady.
2025 jyldyń 19 mamyrda shamamen saǵat 16:00-de «Óskemen titan-magnii kombinaty» aýmaǵynda belgisiz zattyń aýaǵa taraǵany baiqaldy. Bul jaǵdaiǵa bailanysty oqiǵa ornyna birden jergilikti bilik, tótenshe jaǵdailar departamenti, ekologiia jáne sanitarlyq-epidemiologiialyq baqylaý mamandary baryp, tekseris júrgizdi.
Kombinat bergen málimetke qaraǵanda, dál sol kúni №3 hlorlaý qondyrǵysynda kútpegen tehnikalyq qyzmet kórsetý jumystary júrip jatqan. Sol kezde bir bólshek qulap, tútin júretin qubyr bitelip qalǵan.
Kásiporyn zerthanasy sanitarlyq-qorǵaý aimaǵy shegindegi aýany tekserip, aýa quramyndaǵy hlor shekti deńgeiden aspaǵanyn málimdedi.
Saǵat 17:00 shamasynda áleýmettik jeliler men jergilikti BAQ-ta kózge kórinetin qoiý tútinniń videolary jariialanǵan soń, oblystyq ekologiia departamentiniń mamandary baqylaý núktelerine baryp, keshki saǵat 23:00-ge deiin ólsheýler júrgizdi. Nátijesinde, aýa quramynda normadan asatyn ziiandy zattar anyqtalǵan joq. Barlyq tekserýler zańnamaǵa sai júrgizilgen.
Sol kúni saǵat 18:21-de tótenshe jaǵdailar departamentine sary tústi zattyń taraǵany týraly habarlama tústi. Osyǵan bailanysty oqiǵa ornyna sanitarlyq-epidemiologiialyq baqylaý basqarmasy men Ulttyq saraptama ortalyǵynyń oblystyq filialynyń mamandary jiberildi.
Sarapshylar barlyǵy 8 jerden 144 aýa úlgisin aldy. Olar:
Jańa Sogra aýmaǵy, Bobrovka aýylyna burylys;
2-shi kótergish;
AZS-ten keiingi burylys (Ýlba baǵytyna);
Tarhanka men Egorova kóshesi arasyndaǵy jol;
Ohotskaia kóshesi, 126 (sanitarlyq-qorǵaý aimaǵy);
Ozotskaia kóshesi, 94a (sanitarlyq-qorǵaý aimaǵy);
Korshýnova stantsiiasy;
Sogrinsk JEO kúl úiindisi.
Atalǵan úlgilerge 18 túrli zat boiynsha saraptama jasaldy. Olardyń ishinde hlor, tuz qyshqyly, kúkirt dioksidi, formaldegid, ammiak, qorǵasyn sekildi ziiandy elementter boldy. Saǵat 21:44-ke deiin júrgizilgen zertteý nátijesinde, birde-bir zat shekti mólsherden aspaǵan. Bul málimetter oblystyq ekologiia departamentine joldandy.
Kombinat tarapynan bul jaǵdai boiynsha resmi túrde tótenshe oqiǵa tirkelmegeni aityldy. Sonymen qatar, turǵyndar tarapynan densaýlyǵyna shaǵymdanyp, dárigerge júgingender bolmaǵan.
Aita keteiik, dál sol kúni ónerkásiptik qaýipsizdik basqarmasy zaýytta josparly tekserý júrgizip jatqan bolatyn. Inspektorlar saǵat 10:00-den 16:00-ge deiin zaýyt aýmaǵynda bolǵan. Sol ýaqyt aralyǵynda eshqandai kúdikti belgi baiqalmaǵan. Qazirgi jaǵdai da osy tekseris aiasynda qaralady.
20 mamyrda Ulttyq saraptama ortalyǵy kombinatqa jaqyn eldi mekenderde qosymsha zertteý júrgizýdi josparlap otyr. Onyń nátijesi keiinirek jariia etiledi.
Jaǵdaiǵa bailanysty oblys ákimdigi shuǵyl shtab otyrysyn ótkizdi. Onda óńir basshylyǵy, quqyq qorǵaý organdary, baqylaýshy jáne basqa da jaýapty mekemelerdiń ókilderi qatysyp, monitoringti kúsheitý týraly tapsyrmalar berildi.
Turǵyndarǵa jalǵan aqparatqa senbei, tek resmi derekkózderge júginý suralady.
