"Qazgidromet" RMK 20 qazanǵa arnalǵan aýa raiy boljamyn jariialady, dep habarlaidy Dalanews.kz.
Sinoptikterdiń málimetinshe, soltústik-batystan kelgen tsiklon shyǵysqa qarai jyljyp, eldiń batysynda jańbyr jaýady. Soltústik pen shyǵysta da jaýyn-shashyn kútiledi. Al ońtústik pen ońtústik-shyǵystyń taýly aimaqtarynda túnde jańbyr sirkirep, qar aralas jaýyn baiqalýy múmkin. Qalǵan óńirlerde antitsiklonnyń yqpalynan aýa raiy jaýyn-shashynsyz bolady.
Elimizdiń birqatar aimaǵynda jel kúsheiip, soltústik pen ońtústik-shyǵystyń taýly óńirlerin tuman basady.
Túrkistan oblysynyń soltústiginde, Qyzylorda men Almaty oblystarynyń taýly aýdandarynda túnde 1–3 gradýs úsik júredi.
Sonymen qatar Mańǵystaý, Atyraý, Aqtóbe, Qostanai, Aqmola, Ulytaý, Abai, Jambyl jáne Almaty oblystarynda joǵary jáne tótenshe órt qaýpi saqtalady.
Atap aitqanda, Qyzylorda, Túrkistan jáne Atyraý oblystarynda órt qaýpi tótenshe deńgeide. Al Jambyl men Aqtóbe óńirleriniń birqatar bólikterinde, sondai-aq Almaty, Qostanai, Ulytaý jáne Batys Qazaqstan oblystarynyń kei aimaqtarynda joǵary órt qaýpi boljanǵan.
Mamandar turǵyndardy qaýipsizdik sharalaryn saqtaýǵa, ashyq ot paidalanýdan jáne qurǵaq shóp órteýden bas tartýǵa shaqyrady.
