Atyraý oblysynda mádeni-týristik festivaldi uiymdastyrýǵa shamamen 200 mln teńge bólingen. Alaida satyp alý rásimine qatysty birqatar másele týyndaǵan, dep habarlaidy dalanews.kz.
Goszakup málimetinshe, festivaldi uiymdastyrý qyzmeti memlekettik áleýmettik tapsyrys tásili arqyly satyp alynbaq. Bul tásil negizinen áleýmettik saladaǵy jobalarǵa arnalǵan, al týrizm salasyndaǵy is-sharalar, ádette, ashyq konkýrs arqyly satyp alynady.
Satyp alý rásimine taldaý jasaǵan derekkóz tehnikalyq ereksheliktegi talaptarǵa da nazar aýdarǵan.
"Memlekettik áleýmettik tapsyrys tásili biliktilik talaptaryn belgileýge múmkindik bermeidi. Biraq olar tehnikalyq erekshelikke engizilgen. Negizinde tapsyrys berýshi oryndaýshydan belgili bir mamandardyń diplomdaryn emes, qyzmettiń sapaly nátijesin talap etýi kerek", - deidi olar.
Sondai-aq derekkóz konkýrs merziminiń tym qysqa ekenine kúmán keltirdi. Aitýlarynsha, ótinim qabyldaý 29 shildede aiaqtalsa, tehnikalyq qujattama boiynsha festival 15 tamyzda bastalýy tiis.
"Barlyq rásim aiaqtalǵannan keiin jeńimpazdyń is-sharany uiymdastyrýyna nebári eki aptadai ǵana ýaqyt qalady. Quny 200 million teńgelik festival úshin bul óte az merzim. Jeńimpaz aldyn ala belgili emes pe degen suraq ta týyndaidy", - dedi Goszakup arnasy.
Osyǵan bailanysty atalǵan memlekettik satyp alý rásimine muqiiat nazar aýdarý qajet ekenin aityp, konkýrsqa bir nemese eki ǵana ótinim túsýi múmkin degen boljamyn jetkizdi.
