Atyraý oblysynyń qylmystyq ister jónindegi mamandandyrylǵan sotynda tórt adamnyń ólimine qatysty is boiynsha kýágerlerden jaýap alý bastaldy. Búgin úshinshi sot otyrysy ótip jatyr, dep habarlaidy dalanews.kz.
Aýyr qylmysqa qatysty basty kúdikti - 29 jastaǵy Sultan Sársemáliev, iaǵni otbasynyń kúieý balasy. Búgin sotta Sultan Sársemálievtiń ata-anasy kýá retinde jaýap berdi.
Alǵashqylardyń biri bolyp sot zalyna onyń ákesi Samiǵolla Sársemáliev shaqyrylǵan. Ákesi jaýap berý kezinde Sultan Sársemáliev kóz jasyn tyia almaǵan. Alaida sýdia Zarema Hamidýllina onyń jaǵdaiyn suraǵanda, jaqsy ekenin aitqan.
Aita keteiik, 2025 jyly jeltoqsanda politsiiaǵa Atyraý oblysy Jangeldin aýylynda 66 jastaǵy er adam, 64 jastaǵy áiel, sondai-aq, olardyń balalary - 32 jastaǵy uly men 35 jastaǵy qyzy habar-osharsyz ketkeni týraly habarlama túsken.
Týystarynyń aitýynsha, otbasy qarashadan beri bailanysqa shyqpaǵan. Tórteýine de joǵalyp ketken adamdar retinde izdeý jariialandy. Bul derek boiynsha sotaldy tergep-tekserý bastalyp, jedel tergeý toby quryldy. Keiin tórteýi de óli tabyldy. Bul is boiynsha kúieý balalary kúdikti dep tanyldy.
