Atyraý oblysynda jasóspirimder arasynda tóbeles bolyp, eki bala soqqyǵa jyǵylǵan. Oqiǵa sáýirde Jylyoi aýdanynda bolǵan, dep habarlaidy dalanews.kz.
Politsiianyń málimetinshe, oqiǵaǵa 13-14 jastaǵy jasóspirimder qatysqan. Qazir olar kim ekeni anyqtalǵan.
Kámeletke tolmaǵandar zańdy ókilderimen birge politsiia bólimshesine jetkizilgen. Olar profilaktikalyq esepke qoiyldy.
Jinalǵan materialdar kámeletke tolmaǵandardyń isi jáne olardyń quqyǵyn qorǵaý jónindegi komissiiaǵa joldanǵan. Komissiia aldaǵy ýaqytta tiisti shara qabyldaidy.
Sonymen qatar, ata-analar balalardy tárbieleý jáne kútip-baǵý mindetin tiisinshe oryndamaǵany úshin ákimshilik jaýapkershilikke tartylǵan.
