Atom ónerkásibin damytý qaýymdastyǵy (AIDA) Qazaqstan atom salasy qyzmetkerleri kúnine orai mýral ashty.
Astana, 2024 jylǵy 4 qazan – Atom ónerkásibin damytý qaýymdastyǵy (AIDA) Astana turǵyndary men Qazaqstannyń barlyq atom salasy qyzmetkerlerine atom salasy qyzmetkerleriniń elimizdiń órkendeýine qosqan úlesine arnalǵan jańa sýretti usyndy. Mýral 28 qyrkúiekte ótken Atom qyzmetkerleri kúnine orai ashyldy jáne atom salasy qyzmetkerleriniń eńbegin moiyndaýdy bildirýge, sondai-aq olardyń Qazaqstannyń ekologiialyq taza jáne progressivti bolashaǵynyń igiligi jolyndaǵy turaqty jumysyn kórsetýge arnalǵan.
Aýmaǵy 710 sharshy metrdi quraityn mýral Astananyń Almaty aýdanyndaǵy bir úidiń qabyrǵasyn bezendiredi. Beineniń ortalyq elementi – aspanda qalqyp turǵan beibit atomnyń simvoly. Qoldar adamzattyń óz damý maqsattaryna jetý úshin atom energiiasyn igerýge jáne qaýipsiz paidalanýǵa degen umtylysyn bildiretin osy rámizge sozylady.
Mýral qala ómiri men tabiǵattyń zamanaýi elementterin beineleidi. Sýrette beinelengen qalanyń iskerlik ortalyǵy jańashyldyqtyń dinamikasyn jáne umtylysyn erekshe atap ótedi, al jasyl ósimdikterdiń beinesi qorshaǵan orta men ekologiialyq ál-aýqatqa qamqorlyq jasaýǵa baǵyttalǵan. Sondai-aq, mýral óziniń sulýlyǵymen jáne serpindiligimen tanymal Astana aspanyn beineleidi.
«El igiligi úshin aianbai eńbek etip jatqan Qazaqstandaǵy atom salasy qyzmetkerleriniń eńbegin atap ótý biz úshin óte mańyzdy. Bul mýral qala keńistiginiń jarqyn elementi ǵana emes, sonymen qatar óz eńbegimen Qazaqstannyń qaýipsiz jáne ekologiialyq taza bolashaǵyna jol salyp jatqandarǵa kórsetilgen qurmet. Atom ónerkásibi sózsiz Qazaqstannyń ótkeni, búgini jáne bolashaǵynyń bir bóligi bolyp tabylady», - dedi AIDA tóraǵasy Aldiiar Toqtarov.
Atom ónerkásibin damytý qaýymdastyǵy Qazaqstandaǵy atom ónerkásibiniń damýyna qoldaý kórsetýdi jalǵastyryp, ekologiialyq taza energiia kózderin jáne el men álemdi alǵa jyljytýǵa kómektesetin innovatsiialyq tehnologiialardy tanymal etýge járdemdesedi.
