“Hýtorlyqtar” atty uiymdasqan qylmystyń jetekshisi dep tanylǵan Hasan Qasymbaevtan zardap shekken Arman Álimovtiń anasy baspasóz konferentsiiasynda oqiǵanyń mán-jaiyn aityp berdi, dep habarlaidy Dalanews.kz Orda.kz-ke silteme jasap.
Onyń aitýynsha, Hasan Armanǵa basqa aýdannyń adamdaryn ózine qarsy qoidy dep ashýlanǵan. Osydan keiin Hasannyń adamdary Armannyń úiin ańdi bastaǵan. Keiin ony uryp-soǵyp, kólikke salyp, alyp ketken.
“Qazan aiynyń sońynda bizdi Almaty oblysynyń politsiia departamentine eski is boiynsha shaqyryp, qaitadan jaýap aldy. 2021 jylǵy 17 maýsymda ulymdy soqqyǵa jyǵyp, urlap áketti. Ony adam joq jerge aparyp, soqqyǵa jyǵyp, qinaǵan. 3 jyl boiy sot protsesteri jalǵasty, endi is qaita ashylǵan siiaqty. Biz kýálik berdik, al ulym qylmysty uiymdastyrýshy retinde Hasan Qasymbaevty kórsetti”, – dedi Arman Álimovtiń anasy.
Onyń aitýynsha, Álimovti uryp-soǵyp, es-tússiz aidalaǵa tastap ketken. Esin jiǵan soń, ol inisine qońyraý shalǵan. Inisi ony alyp ketip, aýrýhanaǵa jetkizgennen keiin úiinde olardy politsiia qyzmetkerleri kútip alǵan. Sonymen qatar, Armandy uryp-soǵý kezinde Hasan videobailanys arqyly barlyǵyn baqylap otyrǵan. Keiin ol ózi de oqiǵa ornyna kelip, keiin qalǵandarymen ketip qalǵan.
“Ulym 3 apta boiy aýrýhanada jatty, osy ýaqyt ishinde politsiia tarapynan oǵan aryz bermeý úshin qysym kórsetildi. Alǵashynda is buzaqylyq baby boiynsha qozǵaldy, biraq qoǵam tarapynan qysym bolǵandyqtan, ol adam urlaý babyna aýystyryldy. Aiqyn dálelderge qaramastan, ádildikke qol jetkizý uzaq ýaqytqa sozyldy. Tergeýde kóptegen zańbuzýshylyq boldy”, – deidi jábirlenýshiniń anasy.
Sondai-aq kináliler bastapqyda buzaqylyq baby boiynsha 1,5 jylǵa bas bostandyǵynan aiyrylǵan. Alaida tergeý izoliatorynda bolǵan ýaqyt esepke alynyp, olar sol sátte-aq bostandyqqa shyǵarylǵan. Is aiyptalýshylar basqa qylmyspen ustalǵanda ǵana qaita qaralypty. Olardy adam urlady dep aiyptap, top bolyp adam densaýlyǵyna aýyr ziian keltirgeni úshin taǵy 2 jyl bas bostandyǵynan aiyrý jazasy qosyldy.
Osy aidyń basynda Arman Álimovti politsiiaǵa qaita shaqyryp, Hasan Qasymbaevqa qatysty taǵy da suraqtar qoiǵan. Endi Qasymbaevty adam urlaý jáne aýyr dene jaraqatyn qasaqana keltirý baby boiynsha 7-8 jylǵa bas bostandyǵynan aiyrýy múmkin.
