“حۋتورلىقتار” اتتى ۇيىمداسقان قىلمىستىڭ جەتەكشىسى دەپ تانىلعان حاسان قاسىمبايەۆتان زارداپ شەككەن ارمان ءالىموۆتىڭ اناسى باسپا ءسوز كونفەرەنسياسىندا وقيعانىڭ ءمان-جايىن ايتىپ بەردى، دەپ حابارلايدى Dalanews.kz Orda.kz-كە سىلتەمە جاساپ.
ونىڭ ايتۋىنشا، حاسان ارمانعا باسقا اۋداننىڭ ادامدارىن وزىنە قارسى قويدى دەپ اشۋلانعان. وسىدان كەيىن حاساننىڭ ادامدارى ارماننىڭ ءۇيىن اڭدي باستاعان. كەيىن ونى ۇرىپ-سوعىپ، كولىككە سالىپ، الىپ كەتكەن.
“قازان ايىنىڭ سوڭىندا ءبىزدى الماتى وبلىسىنىڭ پوليسيا دەپارتامەنتىنە ەسكى ءىس بويىنشا شاقىرىپ، قايتادان جاۋاپ الدى. 2021 جىلعى 17 ماۋسىمدا ۇلىمدى سوققىعا جىعىپ، ۇرلاپ اكەتتى. ونى ادام جوق جەرگە اپارىپ، سوققىعا جىعىپ، قيناعان. 3 جىل بويى سوت پروسەستەرى جالعاستى، ەندى ءىس قايتا اشىلعان سياقتى. ءبىز كۋالىك بەردىك، ال ۇلىم قىلمىستى ۇيىمداستىرۋشى رەتىندە حاسان قاسىمبايەۆتى كورسەتتى”، – دەدى ارمان ءالىموۆتىڭ اناسى.
ونىڭ ايتۋىنشا، ءالىموۆتى ۇرىپ-سوعىپ، ەس-تۇسسىز ايدالاعا تاستاپ كەتكەن. ەسىن جيعان سوڭ، ول ىنىسىنە قوڭىراۋ شالعان. ءىنىسى ونى الىپ كەتىپ، اۋرۋحاناعا جەتكىزگەننەن كەيىن ۇيىندە ولاردى پوليسيا قىزمەتكەرلەرى كۇتىپ العان. سونىمەن قاتار، ارماندى ۇرىپ-سوعۋ كەزىندە حاسان ۆيدەوبايلانىس ارقىلى بارلىعىن باقىلاپ وتىرعان. كەيىن ول ءوزى دە وقيعا ورنىنا كەلىپ، كەيىن قالعاندارىمەن كەتىپ قالعان.
“ۇلىم 3 اپتا بويى اۋرۋحانادا جاتتى، وسى ۋاقىت ىشىندە پوليسيا تاراپىنان وعان ارىز بەرمەۋ ءۇشىن قىسىم كورسەتىلدى. العاشىندا ءىس بۇزاقىلىق بابى بويىنشا قوزعالدى، ءبىراق قوعام تاراپىنان قىسىم بولعاندىقتان، ول ادام ۇرلاۋ بابىنا اۋىستىرىلدى. ايقىن دالەلدەرگە قاراماستان، ادىلدىككە قول جەتكىزۋ ۇزاق ۋاقىتقا سوزىلدى. تەرگەۋدە كوپتەگەن زاڭبۇزۋشىلىق بولدى”، – دەيدى جابىرلەنۋشىنىڭ اناسى.
سونداي-اق كىنالىلەر باستاپقىدا بۇزاقىلىق بابى بويىنشا 1،5 جىلعا باس بوستاندىعىنان ايىرىلعان. الايدا تەرگەۋ يزولياتورىندا بولعان ۋاقىت ەسەپكە الىنىپ، ولار سول ساتتە-اق بوستاندىققا شىعارىلعان. ءىس ايىپتالۋشىلار باسقا قىلمىسپەن ۇستالعاندا عانا قايتا قارالىپتى. ولاردى ادام ۇرلادى دەپ ايىپتاپ، توپ بولىپ ادام دەنساۋلىعىنا اۋىر زيان كەلتىرگەنى ءۇشىن تاعى 2 جىل باس بوستاندىعىنان ايىرۋ جازاسى قوسىلدى.
وسى ايدىڭ باسىندا ارمان ءالىموۆتى پوليسياعا قايتا شاقىرىپ، حاسان قاسىمبايەۆقا قاتىستى تاعى دا سۇراقتار قويعان. ەندى قاسىمبايەۆتى ادام ۇرلاۋ جانە اۋىر دەنە جاراقاتىن قاساقانا كەلتىرۋ بابى بويىنشا 7-8 جىلعا باس بوستاندىعىنان ايىرۋى مۇمكىن.
