Astanada atyshýly tort isine núkte qoiyldy, dep habarlaidy Dalanews.kz.
29 qazanda Astana qalasynyń azamattyq ister jónindegi aýdanaralyq soty konditer Nurshat Aqbergenovanyń talap qoiýyna sáikes, tort daiyndaý boiynsha bereshekti óndirý, taratylǵan málimetterdiń shyndyqqa sai emestigin jáne aryz berýshiniń ar-namysy, qadir-qasieti men iskerlik bedelin qorlaitynyn taný, sondai-aq moraldyq ziiannyń ótemaqysyn óndirip alý týraly bloger Áselina Batyrǵa qatysty isti qarady.
Sot talqylaýy barysynda taraptar arasynda tort daiyndaý jáne ony jaýapkerge saltanatty is-sharaǵa berý boiynsha naqty sharttyq qatynastar qalyptasqany anyqtaldy.
Jaýapker kórsetilgen ónimdi alǵany jáne paidalanǵany týraly faktimen kelisti.
Ónimniń túpkilikti quny taraptar arasynda aldyn ala kelisilmegen.
Sot talap qoiýshy tapsyrysty qabyldaý kezinde tapsyrys berýshini ónimniń baǵasy týraly habardar etpegenin jáne ingredientterge jumsalǵan shyǵyndardy rastaityn dáleldemelerdi usynbaǵanyn atap ótti. Sondai-aq, tort talap qoiýshy jumys isteitin meiramhananyń ónimderinen daiyndalǵany jáne paidalanylǵan materialdardyń qunyn rastaityn qujattar sotqa usynylmaǵany kórsetildi.
Bloger torttyń qunyn 300 000 teńge mólsherinde moiyndap, 100 000 teńge aldyn ala tólem jasaǵanyn eskere otyryp, sot jaýapkerden talap qoiýshynyń paidasyna 200 000 teńge óndirýge sheshim qabyldady.
Sonymen qatar, sot jaýapkerdiń Instagram jáne Threads áleýmettik jelilerinde talap qoiýshyǵa qatysty «alaiaq», «aqsha bopsalaidy» degen mazmundaǵy shyndyqqa sai kelmeitin, ar-namysy men iskerlik bedelin qorlaityn málimetter jariialaǵanyn anyqtady.
Atalǵan málimetter sotpen shyndyqqa sáikes kelmeidi jáne talap qoiýshynyń ar-namysy, qadir-qasieti men iskerlik bedelin qorlaidy dep tanyldy.
Sot blogerdi osy áleýmettik jelilerde taratylǵan málimetterdi teriske shyǵarý jóninde jariialanym ornalastyrýǵa mindettedi.
Konditerdiń moraldyq ziiandy óteý týraly talap qoiýy ishinara qanaǵattandyrylyp, onyń paidasyna 100 000 teńge mólsherinde ótemaqy óndirý belgilendi.
Sot shyǵyndary qanaǵattandyrylǵan talap qoiýlar kólemine proportsionaldy túrde bólindi.
