Atyraý oblysy ákimdigi men «Azyq-túlik kelisim shart korporatsiiasy» AQ arasyndaǵy kelisim nátijesinde «Jelaev nan ónimderi kombinaty» arqyly aimaqtyń naýbaihanalaryna qajetti 1-shi surypty 2000 tonna un jyl sońyna deiin jetkiziledi.
– Atyraý oblysy ákimi Serik Shápkenovtyń tapsyrmasymen «Jelaev nan ónimderi kombinaty» JShS-niń basshysy A.S.Matevosianmen kezdesip, Atyraý oblysyna turaqty túrde 1-shi surypty un tasymaldaý boiynsha kelissózder jasaldy. Bul mekeme osyǵan deiin de óńirdegi naýbaihanalar úshin 1-shi surypty undy tómen baǵamen berip, biraz kómegin jasap kelgen bolatyn. Aldaǵy ýaqytta da áleýmettik mańyzy bar un, kúnbaǵys maiy sekildi ónimder Atyraýǵa jergilikti óńir kásipkerleri jáne «Atyraý» áleýmettik kásipkerlik korporatsiiasy arqyly esh kedergisiz tasymaldanady, – dedi Qairat Nurlybaev.
Sonymen qatar, oblysta 1-shi surypty nan baǵasy «Dáýlet Nan» JShS-niń barlyq saýda núktelerinde turaqty, 90 teńgeden satylýda.
Al, kúnbaǵys maiyn Oral qalasyndaǵy «Beles-Agro» kásipornynan qajetine qarai 200 tonnaǵa jýyq kólemde satyp alý úshin kelisim jasalǵan. Qairat Nurlybaevtyń aitýynsha, sondai-aq Atyraý oblysy ákimdigimen óńirde áleýmettik mańyzy bar azyq-túlik taýarlarymen qamtý jáne olardyń baǵasyn turaqtandyrý maqsatynda elimizdiń basqa da oblystarymen jáne jaqyn shet memleketterimen tiisti jumystar uiymdastyrylýda.
