Atyraýda bir otbasynyń ólimine bailanysty qylmystyq is boiynsha jańa mán-jailar belgili boldy, dep habarlaidy Dalanews.kz.
Oblystyq prokýratýranyń málimetinshe, qazirgi ýaqytta is boiynsha kúdikti dep tanylǵan eki adamǵa sot-psihologiialyq saraptama taǵaiyndalǵan.
Vedomstvonyń habarlaýynsha, kúdiktilerdiń biri – Aqbaian Muqanǵalieva Almaty qalasyndaǵy Sot saraptamalary institýtyna jiberilgen. Onda oǵan statsionarlyq keshendi psihologiialyq-psihiatriialyq saraptama júrgizilip jatyr.
Qazirgi tańda onyń áreketterine resmi quqyqtyq baǵa berilgen joq, sondai-aq oǵan qatysty bultartpaý sharasy da áli tańdalmaǵan.
Prokýratýra ókilderi istiń barlyq mán-jaiy tolyq anyqtalyp, saraptamalar aiaqtalǵannan keiin ǵana túpkilikti quqyqtyq sheshim qabyldanatynyn málimdedi.
Aita keteiik, buǵan deiin Atyraý oblysynyń prokýratýrasy Jangeldin aýylynda bolǵan Qarabalinder otbasynyń ólimine qatysty jańa málimetterdi jariialaǵan edi. Sultan Sársemalievke taǵylǵan aiyptar tizimine jańa bap qosyldy. Qazir oǵan kisi óltirýden bólek, múlikti urlaý jáne aldaý faktileri boiynsha da is qozǵalǵan. Bul týraly "Tengrinews.kz" málimdegen.
Prokýratýra dereginshe, tergeý barysynda maldy satý jáne otbasy múlkin urlaý boiynsha bólek qylmystyq ister tirkelgen. Al qazirgi ýaqytta aldaý deregi boiynsha tergeý júrip jatyr, biraq tolyq aqparat jariialanbady.
Sondai-aq, tergeý barysynda kúdiktiniń áieli, Qarabalinderdiń qyzy Aqbaian Muqanǵalieva, sot-meditsinalyq psihologiialyq-psihiatriialyq saraptamadan ótip jatyr. Qazirgi kezeńde onyń áreketterine zańdyq baǵa berilmegen. Saraptama nátijeleri men barlyq tergeý áreketteri aiaqtalǵan soń ǵana kúdiktilerdiń quqyqtyq statýsy anyqtalady.
