اتىراۋدا بٸر وتباسىنىڭ ٶلٸمٸنە بايلانىستى قىلمىستىق ٸس بويىنشا جاڭا مەن-جايلار بەلگٸلٸ بولدى, دەپ حابارلايدى Dalanews.kz.
وبلىستىق پروكۋراتۋرانىڭ مەلٸمەتٸنشە, قازٸرگٸ ۋاقىتتا ٸس بويىنشا كٷدٸكتٸ دەپ تانىلعان ەكٸ ادامعا سوت-پسيحولوگييالىق ساراپتاما تاعايىندالعان.
ۆەدومستۆونىڭ حابارلاۋىنشا, كٷدٸكتٸلەردٸڭ بٸرٸ – اقبايان مۇقانعاليەۆا الماتى قالاسىنداعى سوت ساراپتامالارى ينستيتۋتىنا جٸبەرٸلگەن. وندا وعان ستاتسيونارلىق كەشەندٸ پسيحولوگييالىق-پسيحياترييالىق ساراپتاما جٷرگٸزٸلٸپ جاتىر.
قازٸرگٸ تاڭدا ونىڭ ەرەكەتتەرٸنە رەسمي قۇقىقتىق باعا بەرٸلگەن جوق, سونداي-اق وعان قاتىستى بۇلتارتپاۋ شاراسى دا ەلٸ تاڭدالماعان.
پروكۋراتۋرا ٶكٸلدەرٸ ٸستٸڭ بارلىق مەن-جايى تولىق انىقتالىپ, ساراپتامالار اياقتالعاننان كەيٸن عانا تٷپكٸلٸكتٸ قۇقىقتىق شەشٸم قابىلداناتىنىن مەلٸمدەدٸ.
ايتا كەتەيٸك, بۇعان دەيٸن اتىراۋ وبلىسىنىڭ پروكۋراتۋراسى جانگەلدين اۋىلىندا بولعان قاراباليندەر وتباسىنىڭ ٶلٸمٸنە قاتىستى جاڭا مەلٸمەتتەردٸ جارييالاعان ەدٸ. سۇلتان سەرسەماليەۆكە تاعىلعان ايىپتار تٸزٸمٸنە جاڭا باپ قوسىلدى. قازٸر وعان كٸسٸ ٶلتٸرۋدەن بٶلەك, مٷلٸكتٸ ۇرلاۋ جەنە الداۋ فاكتٸلەرٸ بويىنشا دا ٸس قوزعالعان. بۇل تۋرالى "Tengrinews.kz" مەلٸمدەگەن.
پروكۋراتۋرا دەرەگٸنشە, تەرگەۋ بارىسىندا مالدى ساتۋ جەنە وتباسى مٷلكٸن ۇرلاۋ بويىنشا بٶلەك قىلمىستىق ٸستەر تٸركەلگەن. ال قازٸرگٸ ۋاقىتتا الداۋ دەرەگٸ بويىنشا تەرگەۋ جٷرٸپ جاتىر, بٸراق تولىق اقپارات جارييالانبادى.
سونداي-اق, تەرگەۋ بارىسىندا كٷدٸكتٸنٸڭ ەيەلٸ, قاراباليندەردٸڭ قىزى اقبايان مۇقانعاليەۆا, سوت-مەديتسينالىق پسيحولوگييالىق-پسيحياترييالىق ساراپتامادان ٶتٸپ جاتىر. قازٸرگٸ كەزەڭدە ونىڭ ەرەكەتتەرٸنە زاڭدىق باعا بەرٸلمەگەن. ساراپتاما نەتيجەلەرٸ مەن بارلىق تەرگەۋ ەرەكەتتەرٸ اياقتالعان سوڭ عانا كٷدٸكتٸلەردٸڭ قۇقىقتىق ستاتۋسى انىقتالادى.
