Atyraýda sanitarlyq tazalyq boiynsha reid júrýde
Shara barysynda ortalyq ákimshisine saýda nysanynyń syrtqy kelbeti men abattandyrý jumystaryna, dúkenderdiń ataýy kórsetilgen taqtaishalardyń boiaýy ketip jáne isten shyqqan jaryq shamdarǵa qatysty eskertý jasaldy.
– Atyraý oblysy ákimi Serik Shápkenovtyń tapsyrmasyna sáikes oblysymyzdyń qala jáne barlyq aýdanynda 16 mamyrǵa deiin ailyq sanitarlyq tazalyq jumystary bastalyp ketti. Ár qala, aýdandarda arnaiy qurylǵan shtab bar. Mysaly, Atyraý qalasy boiynsha 10 aýmaqqa bólingen. Bekitilgen erejege sáikes barlyq nysan ieleri tiesili ǵimaratty kútip ustaýy qajet. Estetikalyq turǵyda tazalyq jaǵyna jáne ainalasyndaǵy abattandyrý jumystaryna mán berilýi kerek, – dedi Qairat Bekenov.
Sanitarlyq tazalyq jumystaryna qatysty qurylǵan shtab quramynda ákimdik jáne politsiia qyzmetkerleri bar. Tekserý jumystary barysynda nysan ielerine anyqtalǵan kemshilikterge bailanysty eskertý qaǵazdary berildi.
– Kemshilikter erejege sáikes, belgili bir kún aralyǵynda joiylmasa nemese oryndalmasa ákimshilik jaýapkershilikke tartylatyndyǵyn eskertemiz. Sonymen qatar, turǵyndarǵa, árbir nysan ielerine ózderine tiesili ǵimarattardy kútip ustaýǵa jáne qalanyń kórkeiýine óz úlesimizdi qosýǵa shaqyramyn, – dedi oblys ákiminiń orynbasary.
