Atyraýda prokýratýra jáne memlekettik kirister departamentiniń qyzmetkerleri meiramhanada tóbeles shyǵarǵan, dep habarlaidy Dalanews.kz Aq Jaiyq basylymyna silteme jasap.
28 qańtarda Atyraýdaǵy meiramhanalardyń birinde prokýratýra qyzmetkeri Asqar Janysbaev, memlekettik kirister departamentiniń basshysy Aidyn Saýdanbekov pen onyń orynbasary Álibi Baqytjanov tóbelesip qalǵan.
Tóbelesten keiin Álibi Baqytjanov oblystyq aýrýhanaǵa jetkizilgen. Qazir ol komada.
- Bul derek boiynsha Qazaqstan Respýblikasy Qylmystyq kodeksiniń 106-babynyń 1-bóligimen qylmystyq is qozǵalyp, birqatar tergeý amaldary júrgizilip jatyr. Basqa málimetter tergeý múddesi úshin jariia etilmeidi, deidi Atyraý politsiia departamenti ókilderi.
