Atyraý qalasynda sýpermarket jelisi iesin bopsalady jáne urlyq jasady degen aiyppen bloger sotqa tartyldy. Sotta aiyptalýshy kinásin moiyndamai, ózin aqtaýdy surady, dep habarlaidy Dalanews.kz.
Jergilikti sýpermarkette bolǵan bloger politsiiaǵa aryz jazǵan. Óitkeni dúken sóresindegi belgili bir taýardyń, birinshiden, jaramdylyq merzimi ótken, ekinshiden, onda memlekettik tilde málimetter berilmegen. Alaida sotta qarsy tarap bloger osy aiyppen ózin qorqytyp, 2 mln teńge talap etkenin jetkizgen.
"Munymen toqtamaǵan bloger ótinishti qaitaryp alý úshin dúkennen 39 824 teńgege azyq-túlik alǵan. Birneshe kúnnen keiin bloger sot protsesine qatysqan áriptesin qoldaý maqsatynda Atyraý qalasynyń №2 sotyna kelip, prokýrorlarǵa arnalǵan bólmege kirip, ishinde qyzmettik kiim turǵan shkafty ashyp, sondaǵy kiimderdiń biriniń qaltasynan 20 myń teńgeni jasyryn urlaǵan", delingen sot habarlamasynda.
Sottalýshy kinásin moiyndamai, ózin aqtaýdy surady.
"Sottalýshynyń kinási jábirlenýshilerdiń, kýálardyń aiǵaqtarymen jáne tergeý áreketteriniń beinejazbalarymen óz dálelin tapty. Sot úkimimen bloger QR QK-niń 194-babynyń 2-bóliginiń 3-tarmaǵy jáne 188-babynyń 3-bóliginiń 3-tarmaǵy boiynsha kináli dep tanylyp, oǵan QR QK-niń 58-babynyń negizinde 3 jyl 1 ai merzimge bas bostandyǵynan aiyrý túrindegi jaza taǵaiyndaldy", - deidi osy isti qaraǵan Atyraý qalasy №2 sotynyń baspasóz qyzmeti.
Sot úkimi zańdy kúshine engen joq.
