Atyraýda politsiia qyzmetkeri alaiaqtyq isi boiynsha sottaldy, dep habarlaidy Dalanews.kz.
Atyraý qalasyndaǵy №2 sotta qyzmet babyn paidalanyp, alaiaqtyq jasaǵany úshin aiyptalǵan politsiia qyzmetkerine qatysty qylmystyq is qaraldy. Politseige QR Qylmystyq kodeksiniń 190-babynyń 3-bóliginiń 2-tarmaǵymen aiyp taǵylǵan.
"Atyraý qalalyq politsiia bóliminiń qyzmeteri basqa laýazymdy tulǵanyń óndirisindegi qylmystyq isti toqtatý úshin kúdiktiniń aǵasynan 300 myń teńge alǵan. Aiyptalýshynyń kinási áńgimelesý jazbalarymen, jábirlenýshi jáne kýálardyń jaýaptarymen, jasyryn tergeý áreketteriniń nátijelerimen, sot-fonografiialyq, psihologiialyq-filologiialyq saraptamalardyń qorytyndylarymen dáleldendi", – dep habarlady sottyń baspasóz qyzmeti.
Prokýror sottalýshyǵa memlekettik qyzmette, memlekettik uiymdarda jáne kvazimemlekettik sektorda laýazymdardy atqarý quqyǵynan ómir boiyna, 6 jyl merzimge bas bostandyǵynan aiyrý jazasyn taǵaiyndaýdy, politsiia leitenanty sheninen aiyrýdy surady. Alaida, sottalýshy men onyń advokattary aiyppen kelispei, aqtaýdy surady.
Sottalýshynyń kámeletke tolmaǵan balalarynyń bary jaza men jaýapkershilikti jeńildetetin mán-jai retinde, al qabyldaǵan antyn buzýy aýyrlatatyn mán-jai retinde tanyldy.
