Kún tártibinde Nur Otan partiiasynyń Atyraý oblysy boiynsha 2021-2025 jyldarǵa arnalǵan sailaýaldy baǵdarlamasynyń jobasyn bekitý, QR Parlamentiniń Májilisine Atyraý oblysynan partiialyq tizimge kandidattardy jariia pikirsaiys qorytyndysy arqyly usyný, Nur Otan partiiasynan Atyraý oblystyq máslihatynyń depýtattaryn sailaý boiynsha partiialyq tizimdi bekitý, Nur Otan partiiasynyń kezekten tys HH sezine Atyraý oblysynan delegattardy sailaý týraly, Nur Otan partiiasynyń Atyraý oblystyq filialynyń Saiasi keńesiniń quramyna ózgerister engizý týraly máseleler qaraldy.
Jariia pikirsaiysqa segiz úmitker tústi. Debat aiaqtalǵan soń delegattar karantin talaptaryn saqtai otyryp, óz tańdaýlaryn jasady. Daýys berý nátijesinde eń kóp daýys jinaǵan QR Parlamenti Májilisine Atyraý oblysynan pariialyq tizimniń óńirlik kvotasyna sai usynylatyn kandidattar esimi jariialandy. Olar: 107 daýyspen Dúisenbai Turǵanov, 98 daýyspen Sálimjan Naqpaev jáne 74 daýysqa ie bolǵan Tolqyn Beisqali.
– Konferentsiiaǵa 24 myń múshesin biriktiretin partiianyń barlyq filialdarynan 110 delegat sailandy. Onyń ishinde, konferentsiiaǵa Atyraý qalalyq filialynan 42, aýdandyq partiia filialdary boiynsha 68 delegat qatysyp otyr. Delegattar quramynda qoǵamymyzdyń barlyq salalarynyń ókilderi qamtylǵan. Atap aitqanda, 8% óndiris, 25% bilim, 5% densaýlyq, 31% bastaýysh partiia uiymdary tóraǵalary, 20% ardagerler men ózge de qyzmet salalarynyń qyzmetkerleri bar. Delegattardyń 34,6% áielder jáne konferentsiiaǵa 3 ult ókilderi sailandy, – dedi Nur Otan partiiasy Atyraý oblystyq filialynyń birinshi orynbasary Nurlybek Ojaev.
Konferentsiiada oblystyq Nur Otan partiiasynyń sailaýaldy baǵdarlamalarynyń jobasy bekitildi. Bular oblys boiynsha 2021-25 jyldary bolashaq ómirimizde ózekti dep tabylǵan, óńir ekonomikasyna qatysty máseleler.
Sondai-aq, atalǵan jiynda Nur Otan partiiasy Ortalyq apparatynyń bekitken óńirlik kvotasyna sáikes, Partiianyń kezekten tys XX sezine Atyraý oblystyq partiia filialynan 18 delegat sailandy.
«Nur Otan» partiiasy aimaqtyq jáne aýmaqtyq partiia filialdarynda 17 tamyz ben 4 qazan aralyǵynda partiiaishilik irikteý - praimeriz ótkizilgenin aita ketýimiz kerek. Praimeriz barysynda ótken kezdesýlerde partiia múshelerinen 1061 usynys-amanattar túsip, onyń 448-i toǵyz sailaýaldy baǵdarlamalar jobasynan kórinis tapty.
Aidyn KAKIMOV
