Atyraýda mektep janynda jeti jastaǵy qyzdy kólik qaǵyp ketti, dep habarlaidy Dalanews.kz.
6 sáýirde saǵat 07:45 shamasynda jaiaý júrginshini kólik qaqqan. Aldyn ala málimet boiynsha 1974 jyly týǵan júrgizýshi tizgindegen Toyota Hiace kóligi jaiaý júrginshiler jolaǵymen ótip bara jatqan 2018 jyly týǵan oqýshyny qaǵyp ketken.
"Bala oqiǵa ornynda kóz jumdy", - dep jazylǵan habarlamada.
Bul derek boiynsha qylmystyq is tirkelip, tergeý júrgizilip jatyr.
Politsiia júrgizýshilerdi jol qozǵalysy erejelerin qatań saqtaýǵa, ásirese, jaiaý júrginshiler ótkelinde jyldamdyqty tómendetip, muqiiat bolýǵa shaqyrdy.
