Búgin QR Prezidenti janyndaǵy QR Ulttyq ǵylym akademiiasy Prezidiýmynyń «Qýatty óńirlik ǵylym – qýatty óńir» atty kezekti kóshpeli otyrysy ótti. Oǵan oblys ákimi Serik Shápkenov, akademiianyń basqarma prezidenti Aqylbek Kúrishbaev, akademikter jáne munai-himiia salasynyń ókilderi qatysty. Jiynda Atyraý oblysynda ǵylymdy damytýdyń jańa baǵyttary talqylandy,- dep habarlaidy Dalanews.kz
Jiynda Serik Shápkenov ýniversitetterden, zertteý uiymdarynan, indýstriiadan jáne aimaqtyq damý institýttarynan ǵalymdardy tartý arqyly ǵylymi usynystar ázirleitin, bastalǵan jobalarǵa saraptama júrgizetin, qarjylandyrý boiynsha usynystar ázirleitin ǵylymi-tehnikalyq keńestiń mańyzyna toqtaldy.
"Keńes Ulttyq ǵylym akademiiasymen tikelei bailanysta belsendi jáne júieli túrde jumys jasaityn bolady.Biz úshin aqparattyq tehnologiialar men jasandy intellekt salasyndaǵy qoldanbaly sheshimder, ekologiialyq zertteýler men júieli ekologiialyq monitoring, sonyń ishinde jasandy intellektti qoldana otyryp, sýdy tiimdi paidalaný jáne óndiristik sý qaldyqtaryn tereń tazartý men regeneratsiialaý, óndiristik polimerler negizinde jańa materialdar men kompozitter, plastikalyq qaldyqtardy qaita óńdeý men regeneratsiialaý ádisteri, munaimen lastanǵan topyraqtardy jol qurylysyna jáne qurylys materialdaryna paidalaný siiaqty zertteýlerdiń mańyzy óte zor. Bular akademiia ázirleitin negizgi memlekettik ǵylymi baǵyttarda kóterilip, qoldaý tabýy tiis",- dedi S.Shápkenov.
Bul rette aimaq basshysy óńirlik ǵylymi qordy nátijeli paidalanyp, óndiriske qajetti, suranysqa ie mamandardy daiyndap, olardyń jobasyna jan-jaqty qoldaý kórsetýge basymdyq berýdi atap ótti.
QR Ulttyq ǵylym akademiiasynyń basqarma prezidenti Aqylbek Kúrishbaevtyń aitýynsha, Atyraý oblysynyń ekonomikasy ǵylymi zertteýlerdiń túrli baǵyttary boiynsha qolaily.
"Jergilikti biýdjetterde óńirlik ǵylymdy qarjylandyrýdyń biýdjettik baǵdarlamalary joq. Jalpy, jergilikti biýdjetten ǵylymǵa bólinetin qarajat kólemi, memleket boiynsha onyń damýyna jumsalatyn jalpy shyǵystardyń 1% - nan da aspaidy. Atyraý oblysy — elimizdiń tabiǵi resýrstary jáne ekonomikalyq áleýeti eń mańyzdy óńirleriniń biri. Osy turǵyda Atyraý oblysy basqa óńirlerge úlgi bola alady. Bul rette Ulttyq ǵylym akademiiasy qajetti kómek kórsetýge daiyn. Eń aldymen, Óńirlik keńes Ulttyq akademiiamen tyǵyz bailanys ornatýy qajet jáne bul sizderge keńes qyzmetiniń barlyq máselesi boiynsha Akademiiadan tolyqqandy ádistemelik jáne praktikalyq kómek alýǵa múmkindik beredi. Ulttyq ǵylym akademiiasy ázirlegen ǵylymdy damytýdyń basym baǵyttaryn aiqyndaýdyń jańa júiesine sáikes agroónerkásiptik keshen, munai jáne taý-ken metallýrgiia ónerkásibi, tushy sýǵa qol jetkizýdi qamtamasyz etý, ómir súrý sapasyn arttyrý jáne adami kapitaldy damytý salalaryndaǵy zertteýler strategiialyq basymdyqtarǵa jatqyzylǵanyn jáne olar birinshi kezekte qarjylandyrylatynyn aitý kerek",-dedi A.Kúrishbaev.
Qatysýshylar óńirlik ǵylymnyń damýynyń ózekti máseleleri, onyń óńir men eldiń áleýmettik-ekonomikalyq damýyna yqpaly sóz etti. Kóshpeli otyrys aiasynda ǵylymi-innovatsiialyq kórme uiymdastyryldy.
Akademiia Prezidiýymynyń kóshpeli otyrys jumysy nátijesinde respýblikada alǵash ret Atyraý oblysy ákimdigi janynan ǵylymdy qoldaý Qoryn qurý týraly sheshim qabyldandy.
Shara óńirlik ǵylymnyń basym mindetterin aiqyndaýǵa arnalǵan forsait-sessiiamen jalǵasady. «Ǵylym-biznes» pitch-sessiiasy formatynda kommertsiialandyrýǵa daiyn perspektivaly ǵylymi jobalar usynylady. Qatysýshylar ǵylymi qaýymdastyq pen biznes arasyndaǵy yntymaqtastyq múmkindikterin talqylaidy.
