Atyraýda joldaǵy qarapaiym janjal eki júrgizýshiniń arasyndaǵy tóbeleske ulasty.Daýdy toqtatý úshin «Arlan» arnaiy jasaq qyzmetkerleriniń aralasýyna týra keldi dep habarlaidy Dalanews.kz. “Moi gorod” saityna silteme jasap.
Oqiǵa Atyraý qalasynyń Baimuhanov kóshesinde boldy. Aldyn ala derekter boiynsha, Hyundai men Toyota júrgizýshileri joldaǵy ara- qatynastaryn talqylai bastady. Sóz túsinbeýshilik tez arada tóbeleske ulasty — sátti bir avtokóliktiń jolaýshysy videoǵa túsirip aldy.
Bul ýaqytta jolda “Arlan” arnaiy jasaǵynyń qyzmetkerleri toqtap, janjalǵa aralasty. Sol ýaqytta basqa shaqyrtýmen kele jatqan jedel járdem kóligi de oqiǵa ornyna jetti.
Politsiia málimetinshe, tóbeles nátijesinde 24 jastaǵy Hyundai júrgizýshisi 38 jastaǵy qarsylasyna qolyn syndyrdy.
«Hyundai júrgizýshisi qalalyq politsiia bóliminiń №2 jedel-tergeý tobyna jetkizildi. Ol týraly memlekettik tirkeý nómiri joq kólik quralyn basqarǵany jáne saqtandyrý bolmaǵany úshin ákimshilik hattamalar jasaldy», — dep habarlady Atyraý oblysy politsiia departamenti.
Quqyq buzýshynyń avtokóligi aiyp turaǵyna jetkizildi. Er adamǵa qatysty «Quqyq buzýshylyq» babymen sotqa deiingi tergeý bastaldy.
