13 shilde kúni Atyraýdaǵy baseınderdiń birinde adamdar hlordan ýlandy. Medısınalyq kómekke 14 adam júgingen,- dep habarlaıdy Dalanews.kz
Aýrýhanaǵa 3 adam jatqyzylǵan, olardyń jaǵdaıy turaqty. Qalǵan turǵyndar dárigerlerdiń baqylaýynda.
"Epıdemıaǵa qarsy is-sharalar júrgizilip, aýa men sýdan synama alyndy. Hlor býy shekti mólsherden aspaǵan, zerthanalyq taldaý jumystary jalǵasýda. Polısıa qylmystyq is qozǵady, tergeý júrip jatyr", - dedi Atyraý oblysynyń Óńirlik komýnıkasıalar qyzmeti.
Oblys ákimi densaýlyq saqtaý basqarmasyna zardap shekkenderdiń jaǵdaıyn baqylaýda ustaýdy mindettedi jáne óńirdegi baseınder men akvaparkterdi tekserýge tapsyrma berdi.
