Atyraý oblysyndaǵy «Aqjaıyq» memlekettik tabıǵı rezervaty aýmaǵynda qamys órtimen kúres jalǵasýda. QR Tótenshe jaǵdaılar mınıstrliginiń málimetinshe, búgin TJM avıasıasy 20 márte sý tókken,- dep habarlaıdy Dalanews.kz
«Janýdy joıý jumystary bastalǵannan beri tikushaq tehnıkasy 96 ret jalpy kólemi 288 tonnadan astam sý tókti», – delingen habarlamada.
Eske salaıyq, 2025 jylǵy 13 maýsymda saǵat 13:50-de Erkinqala aýylynan 15 shaqyrym jerdegi «Aqjaıyq» rezervaty aýmaǵynda qamystyń janýy tirkelgen bolatyn.
Tótenshe jaǵdaılar departamentiniń málimetinshe, eldi mekenderge qaýip joq. Alaıda qala turǵyndarynyń aıtýynsha, tútinge tunshyǵyp, bas aýyryp, júrek aınyp, álsizdik paıda bolǵan. Ásirese balalar men tynys alý joldary syrqat adamdarǵa bul jaǵdaı aýyr soǵyp jatyr.
Jaǵdaıdyń ýshyǵýy halyq arasynda ashý-yzany kúsheıtip, áleýmettik jelilerde tótenshe jaǵdaı rejımin jarıalaýdy jáne ákimniń otstavkasyn talap etken jazbalar kúrt kóbeıdi. Alaıda jergilikti bılik ázirge únsiz.
