اتىراۋ وبلىسىنداعى «اقجايىق» مەملەكەتتىك تابيعي رەزەرۆاتى اۋماعىندا قامىس ورتىمەن كۇرەس جالعاسۋدا. ق ر توتەنشە جاعدايلار مينيسترلىگىنىڭ مالىمەتىنشە، بۇگىن تجم اۆياسياسى 20 مارتە سۋ توككەن،- دەپ حابارلايدى Dalanews.kz
«جانۋدى جويۋ جۇمىستارى باستالعاننان بەرى تىكۇشاق تەحنيكاسى 96 رەت جالپى كولەمى 288 توننادان استام سۋ توكتى»، – دەلىنگەن حابارلامادا.
ەسكە سالايىق، 2025 جىلعى 13 ماۋسىمدا ساعات 13:50-دە ەركىنقالا اۋىلىنان 15 شاقىرىم جەردەگى «اقجايىق» رەزەرۆاتى اۋماعىندا قامىستىڭ جانۋى تىركەلگەن بولاتىن.
توتەنشە جاعدايلار دەپارتامەنتىنىڭ مالىمەتىنشە، ەلدى مەكەندەرگە ءقاۋىپ جوق. الايدا قالا تۇرعىندارىنىڭ ايتۋىنشا، تۇتىنگە تۇنشىعىپ، باس اۋىرىپ، جۇرەك اينىپ، السىزدىك پايدا بولعان. اسىرەسە بالالار مەن تىنىس الۋ جولدارى سىرقات ادامدارعا بۇل جاعداي اۋىر سوعىپ جاتىر.
جاعدايدىڭ ۋشىعۋى حالىق اراسىندا اشۋ-ىزانى كۇشەيتىپ، الەۋمەتتىك جەلىلەردە توتەنشە جاعداي رەجيمىن جاريالاۋدى جانە اكىمنىڭ وتستاۆكاسىن تالاپ ەتكەن جازبالار كۇرت كوبەيدى. الايدا جەرگىلىكتى بيلىك ازىرگە ءۇنسىز.
