Otyrysta mádeniet mekemeleriniń is-sharalardy ótkizý kezinde sybailas jemqorlyqtyń aldyn alý men aýyl sharýashylyǵy salasynda berilgen sýbsidiialarǵa júrgizilgen syrtqy taldaý nátijeleri qaraldy.
Sybailas jemqorlyqqa qarsy is-qimyl agenttiginiń Atyraý oblysy boiynsha departamenti basshysynyń birinshi orynbasary Esqali Salamatov jemqorlyqqa jol ashýy múmkin birneshe sebepterdi atady.
– Sýbsidiialaýdyń aqparattyq júielerinde olqylyqtar kóp. Aýyl sharýashylyǵy taýar óndirýshileri sýbsidiia túrleri men olardy alý tártibin durys bilmeidi. Budan basqa sýbsidiialardy maqsatty paidalaný boiynsha tiimdi baqylaý júiesiniń bolmaýy jáne sýsidiialaý erejeleriniń solqyldaqtyǵy jetip artylady, – dedi.
Al, oblystyq Aýyl sharýashylyǵy basqarmasynyń basshysy Amangeldi Salamat munyń negizgi faktorlaryn atap ótti.
– Aýyl sharýashylyǵy basqarmasynyń júrgizgen taldaý barysynda sýbsidiialaý ótinimderiniń basym bóliginiń jyldyń belgili bir maýsymdarynda júrgiziletindigi anyqtaldy. Máselen, 2020 jyly asyl tuqymdy mal sharýashylyǵyn qoldaý jáne mal sharýashylyǵy ónimderiniń ónimdiligin jáne sapasyn arttyrýdy sýbsidiialaý baǵytynda túsken jáne oń qorytyndy berilgen 767 ótinimniń 352-si nemese 45,9 paiyzy tek qarasha-jeltoqsan ailaryna keledi, – deidi basqarma basshysy.
Sonymen qatar, onyń aitýynsha, taldaý júrgizý barysynda qoldanystaǵy normativtik-quqyqtyq aktilerdiń, onyń ishinde Aýyl sharýashylyǵy ministriniń buiryǵymen bekitilgen qaǵidalarda kózdelgen sýbsidiia berý ólshem-sharttarynyń jii ózgertinin de jasyrmai aitty.
Óz kezeginde oblystyq Mádeniet, tilderdi damytý jáne arhiv isi basqarmasy basshysynyń mindetin atqarýshy Mira Dáýletbaeva mádeniet salasy boiynsha jemqorlyq táýekeldikteri týraly aityp berdi.
– Mádeni-kópshilik is-sharalar men memlekettik tapsyrys sheńberinde ótetin sharalardy qarjylyq shyǵyndaryn retteitin zań normalarynyń bolmaýyna bailanysty, áleýetti ónim berýshiler arasyndaǵy básekelestik týyndamai otyr. Sonyń saldarynan baǵalyq usynymdarynyń qarjylyq shyǵyndary kóterilýi arqyly sybailas jemqorlyq táýekelderin týyndaýy múmkin. Budan bólek, naqty ótkiziletin áleýmettik mańyzdy is-sharalardyń ótkizý úshin jumsalatyn qarjy kólemin shekteitin nemese retteitin normativtik-quqyqtyq aktiniń bolmaǵandyqtan biýdjet qarajatynyń maqsatty durys jumsalmaýyna ákep soǵýda, – dedi.
Jiyn sońynda oblys ákimi Mahambet Dosmuhambetov sybailas jemqorlyqpen kúres ózekti másele ekenine toqtalyp:
– Aýyl sharýashylyǵy salasy memlekettiń azyq-túlik qaýipsizdigin qamtamasyz etetin mańyzdy baǵyttardyń biri. Al, mádeniet salasy halyqty rýhani kóteretin birden-bir sala. Sondyqtan, bul eki baǵytqa jeńil qaraýǵa bolmaidy. Osy turǵyda biz qabyldap jatqan sharalar halyqtyń áleýmettik jaǵdaiyn jaqsartýǵa jáne sybailas jemqorlyq táýekelderin boldyrmaýǵa múmkindik beretinine senimdimin jáne olardy ári qarai jetildirýge shaqyramyn, – dedi oblys ákimi Mahambet Dosmuhambetov.
