5 aqpan kúni Atyraý oblysy PD Esirtki qylmysyna qarsy is-qımyl basqarmasynyń qyzmetkerleri ​«Quqyqtyq tártip» jedel is-sharasy barysynda 1990 jylytýylǵan kúdiktiniń jeke basy men jaldamaly páterin tintý kezinde 70 dana sıntetıkalyq esirtki zaty jáne esirtki daıyndaýǵa arnalǵan quraldary tabylyp, tárkilendi.

Sonymen qatar tergeý barysynda kúdikti qala aýmaǵynda jasyrylǵan 70 gram esirtki zattaryn kórsetti. Jasyryn esirtki tasymaldaýmen aınalysyp júrgen áıel adamnyń aıtýynsha, ol sıntetıkalyq esirtki zattaryn satý úshin Qaraǵandy qalasynan Atyraý qalasyna ​ arnaıy kelgen.

– Atalǵan derek boıynsha QR QK-niń 297-baby 3-bóligimen, ıaǵnı (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) ​ tirkeldi. Aıta keteıik, bul bap boıynsha 10 jyldan 15 jylǵa deıingi merzimge bas bostandyǵynan aıyrý kózdelgen. Ustalǵan azamatsha Atyraý qalasy polısıa basqarmasynyń ýaqytsha ustaý ızolátoryna  qamaýǵa alyndy, –deıdi Atyraý oblysy Polısıa departamentiniń bastyǵy polısıa polkovnıgi Nurhat Orazbaev.

Ózge aqparat QPK-niń 201-babyna sáıkes jarıalanýǵa jatpaıdy.