Atyraý oblysynyń shekarasy ózgertilmek. Bul týraly premer-mınıstrdiń qaýly jobasynda jazylǵan, dep habarlaıdy Dalanews.kz.
"Atyraý oblysynyń shekarasy men Kaspıı teńizindegi Qazaqstan Respýblıkasynyń aýmaqtyq sýlarynyń (teńiziniń) syrtqy shegi arasyndaǵy jalpy alańy 3 954 015,300 gektar jerdi Atyraý oblysy aýmaǵyna qosý jolymen Atyraý oblysynyń shekarasy ózgertilsin", - delingen "Ashyq NQA" portalynda jarıalanǵan qujatta.
Qaýly jobasy 15 shildege deıin talqylanady.
Túsindirme jazbada oblystyń shekarasyn ózgertý memlekettik búdjetten qosymsha qarajatty talap etpeıtini jáne teris áleýmettik-ekonomıkalyq jáne (nemese) quqyqtyq saldarlarǵa ákep soqpaıtyny naqtylanady.
