Atyraý qalasynyń prokýratýrasy "Atameken turǵyn úı", "Family town", "Baisanat Residence" jáne "SaraishyqInvestGroup" turǵyn úı-qurylys kooperatıvteriniń (TQK) quryltaıshylary tarapynan zańsyz áreketterden zardap shekken azamattardyń quqyqtaryn qorǵaý jumystaryn jalǵastyrýda, dep habarlaıdy Dalanews.kz.
Zardap shekken paıshylardyń quqyqtaryn qorǵaý maqsatynda Atyraý qalasynyń prokýratýrasy "Baisanat Residence" TQK jáne onyń quryltaıshylarymen jasalǵan sharttardy buzý, sondaı-aq aıaqtalmaǵan qurylys nysandarynan alynǵan qarajattardy paıshylarǵa tabystaý týraly talap aryzben Atyraý qalalyq sotyna júgindi.
"Sot prokýratýranyń talaptaryn zańdy dep tanyp, talap aryzdy tolyq kólemde qanaǵattandyrdy. Bul sheshim paıshylarǵa ınvestorlardy tarta otyryp, qurylysty aıaqtaýǵa jáne kópten kútken baspanalaryn alýǵa múmkindik beredi", delingen prokýratýra habarlamasynda.
Sondaı-aq, Atyraý qalasynyń prokýratýrasynyń qabyldanǵan sharalary nátıjesinde "Qazanat" TQK jer ýchaskesin paıshylardyń menshigine qaıtaryp, sondaı-aq "Aqmarjan" TQK turǵyn úıiniń paıdalanýǵa berilýin qamtamasyz etti.
