اتىراۋ قالاسىنىڭ پروكۋراتۋراسى "اتامەكەن تۇرعىن ٷي", "Family town", "Baisanat Residence" جەنە "SaraishyqInvestGroup" تۇرعىن ٷي-قۇرىلىس كووپەراتيۆتەرٸنٸڭ (تقك) قۇرىلتايشىلارى تاراپىنان زاڭسىز ەرەكەتتەردەن زارداپ شەككەن ازاماتتاردىڭ قۇقىقتارىن قورعاۋ جۇمىستارىن جالعاستىرۋدا, دەپ حابارلايدى Dalanews.kz.
زارداپ شەككەن پايشىلاردىڭ قۇقىقتارىن قورعاۋ ماقساتىندا اتىراۋ قالاسىنىڭ پروكۋراتۋراسى "Baisanat Residence" تقك جەنە ونىڭ قۇرىلتايشىلارىمەن جاسالعان شارتتاردى بۇزۋ, سونداي-اق اياقتالماعان قۇرىلىس نىساندارىنان الىنعان قاراجاتتاردى پايشىلارعا تابىستاۋ تۋرالى تالاپ ارىزبەن اتىراۋ قالالىق سوتىنا جٷگٸندٸ.
"سوت پروكۋراتۋرانىڭ تالاپتارىن زاڭدى دەپ تانىپ, تالاپ ارىزدى تولىق كٶلەمدە قاناعاتتاندىردى. بۇل شەشٸم پايشىلارعا ينۆەستورلاردى تارتا وتىرىپ, قۇرىلىستى اياقتاۋعا جەنە كٶپتەن كٷتكەن باسپانالارىن الۋعا مٷمكٸندٸك بەرەدٸ", دەلٸنگەن پروكۋراتۋرا حابارلاماسىندا.
سونداي-اق, اتىراۋ قالاسىنىڭ پروكۋراتۋراسىنىڭ قابىلدانعان شارالارى نەتيجەسٸندە "قازانات" تقك جەر ۋچاسكەسٸن پايشىلاردىڭ مەنشٸگٸنە قايتارىپ, سونداي-اق "اقمارجان" تقك تۇرعىن ٷيٸنٸڭ پايدالانۋعا بەرٸلۋٸن قامتاماسىز ەتتٸ.
