Atyraý oblysy Mahambet aýdanynda sý tasqynyna qarsy bóget turǵyzý kezinde adamnyń 12 bas súiegi men 26 dene súiekteri tabylǵan, - dep habarlaidy Dalanews.kz.
Jergilikti atpress.kz málimetinshe, oqiǵa ornyna kelgen quzyretti organdardyń qyzmetkerleri bul derekti aqparatty esepke alý kitabyna tirkep, tergeýge deiingi áreketterdi bastaǵan. Aldaǵy ýaqytta tabylǵan qaldyqtar dástúrge sáikes qaita jerlenedi.
"Eski Saraishyqtaǵy arheologiialyq qazba jumystary kezinde adam súiekterin tabý jańalyq emes. Ortaǵasyrlyq Saraishyqta úlken zirat bar ekeni belgili. Arheologiialyq zertteýler barysynda, tipti Eski Saraishyq aýylynyń ózinde de ártúrli jumystar barysynda adam súiekteri jii kezdesedi.
Qazir sý tasqynynan qorǵaý boiynsha aýqymdy jumystar júrgizilip jatyr, myńdaǵan adam Jaiyq jaǵasynda bógetter salyp jatyr jáne bul jumystar barysynda adam súiekteriniń kezdesýi ǵajap emes. Ádette, mundai aqparatty alǵan kezde mamandar tiisti jumys júrgizedi, qaldyqtardy zertteidi, sodan keiin dástúr boiynsha jerleidi",- dedi "Saraishyq Muhtar Ábilseiit" mýzei-qoryǵynyń direktory.
Aita keteiik, Atyraý oblysy Jylyoi aýdany Qulsary qalasynda 3 myńǵa jýyq úi sý astynda qaldy.
Sý tasqynyń saldaryn joiýǵa 231 tehnika, 1198 jeke quram, 18 birlik júzý quraldary, 19 birlik motopompa jumyldyryldy.
Atyraý oblysy Qulsary qalasynan jalpy sany 33 641 adam kóshirildi jáne 201 ýaqytsha ornalasý oryndary daiyndaldy.
Jalpy sany 84 qońyraý túsip, 173 adam qutqaryldy, onyń ishinde 15-i - bala. 248 mal basy jáne 27 úi janýary qaýipsiz oryndarǵa kóshirildi.
