Atyraý oblysynda jemqorlardan qaitarylǵan aqshaǵa mektep salynatyn boldy, dep habarlaidy Dalanews.kz.
Memleket basshysynyń tapsyrmasy boiynsha "Zańsyz iemdenilgen aktivterdi memleketke qaitarý týraly" Zań sheńberinde Arnaýly memlekettik qor qarajaty esebinen elimizdiń óńirlerinde áleýmettik mańyzy bar jobalardy iske asyrý boiynsha jumys jalǵasýda.
Úkimet Atyraý oblysy Qyzylqoǵa aýdany Jamansor aýylynda 150 oryndyq mekteptiń qurylysyna 2 mlrd teńge bólý týraly sheshim qabyldady. Qazirgi tańda aýylda 60 orynǵa beiimdelgen ǵimaratta ornalasqan bastaýysh mektep qana jumys isteidi. Ata-analary 4-synypty bitirgennen keiin oqýshylardy 60 shaqyrym qashyqtaǵy Maqat aýdany Dossor kentinde ornalasqan S. Sháripov atyndaǵy mektep-internatqa aparýǵa májbúr. Joǵary synyp oqýshylary kórshiles eldi mekenderge qatynap oqidy.
"Jobany iske asyrý qorytyndysy boiynsha talaptarǵa jáne sanitarlyq normalarǵa sáikes balalardy sapaly oqytý úshin jaǵdai jasalatyn bolady.
Osyǵan deiin Úkimet Aqmola oblysynyń Zerendi aýylynda sport keshenin, Túrkistan oblysynyń Temirlan aýylynda mýzyka mektebin, Arqalyq qalasynda daryndy sportshy balalarǵa arnalǵan sport keshenin, Astanada tirek-qimyl apparaty buzylǵan balalarǵa arnalǵan ońaltý ortalyǵyn, Almatyda erekshe qajettilikteri bar adamdarǵa arnalǵan jattyǵý ortalyǵyn, Aqtóbe qalasynda erekshe balalarǵa arnalǵan arnaiy balabaqsha salý, Ridder qalasyndaǵy kópsalaly aýrýhana kesheniniń qurylysyn aiaqtaý sekildi jobalardy iske asyrý úshin qarajat bólý týraly sheshim qabyldaǵan bolatyn", - delingen Úkimet habarlamasynda.
Aita keteiik, Qazaqstanda oqý jyly bastalǵaly beri 150 myń oqýshyǵa arnalǵan 100-den asa jańa mektep paidalanýǵa berildi.
Oqý-aǵartý ministrliginiń málimetinshe, jańa ashylǵan mekteptiń naqty sany – 106.
“Onyń 33-i jaily mektep. Onda 90 myńǵa jýyq oqýshy oqi alady. Olar bastaýysh jáne joǵarǵy synyptarǵa arnalǵan jeke bloktarmen, zamanaýi tehnikalyq qaýipsizdik quraldarymen, erekshe bilim berý qajeti bar balalarǵa arnalǵan kedergisiz ortamen, birneshe sport zalmen, zamanaýi pándik kabinettermen jabdyqtalǵan", - dep jazylǵan habarlamada.
Eske salaiyq, Qazaqstan Respýblikasynyń Prezidenti Qasym-Jomart Kemeluly Toqaev Qazaqstan halqyna Joldaýynda bilim berý júiesin odan ári damytý jáne muǵalimderdi qoldaý máselelerine erekshe kóńil bólý qajettigin atap ótken bolatyn. Memleket basshysy úsh aýysymdy jáne apatty mektepterdiń tapshylyǵyn sheshý úshin “Jaily mektep” ulttyq jobasyn qabyldaýdy tapsyrdy.
Osy joba aiasynda 2025 jyldyń sońyna deiin 217 jańa mektep paidalanýǵa beriledi dep josparlanyp otyr.
"Sondai-aq sybailas jemqorlyqtan túsken qarajat esebinen bilim berý infraqurylymyn qoldaý qorynyń jelisi boiynsha taǵy 18 mektep ashyldy", - deidi vedomstvo.
Qalǵan 55 mektep respýblikalyq jáne jergilikti biýdjet qarajaty esebinen, sondai-aq investitsiia tartý esebinen ashylady.
Aita keteiik, Qazaqstan Respýblikasynyń Prezidenti Qasym-Jomart Kemeluly Toqaev Qazaqstan halqyna Joldaýynda bilim berý júiesin odan ári damytý jáne muǵalimderdi qoldaý máselelerine erekshe kóńil bólý qajettigin atap ótken bolatyn. Memleket basshysy úsh aýysymdy jáne apatty mektepterdiń tapshylyǵyn sheshý úshin “Jaily mektep” ulttyq jobasyn qabyldaýdy tapsyrdy.
